Экспортчига кўмак

Чоп этиш версияси

Экспорт-импорт операцияларини суғурталаш

Ўзбекистон бозоридаги экспорт операцияларини суғурталаш, биринчи навбатда, "Ўзбекинвест" экспорт-импорт суғурта компанияси "AЖ томонидан амалга оширилади.

Компанияга Ўзбекистон Республикаси Экспорт қалтисликларини суғурталаш давлат агентлиги  функциялари юклатилган ва "Ўзбекинвест" экспорт-импорт суғурта компанияси" АЖ Ўзбекистон Республикасида экспортни қўллаб-қувватлаш миллий тизимининг бир қисми ҳисобланади.

Ташкил қилинган сана: 21.01.1994 йил

Компаниянинг устав капитали: 282,22 млрд. Сўм

Компания таъсисчилари:

 Ўзбекистон Республикаси Инвестициялар, саноат ва савдо вазирлиги - 235,18 млрд. сўм

"Ўзбекистон Республикаси Ташқи иқтисодий фаолият миллий банки" AЖ - 47,04 млрд. сўм

Компания инфратузилмаси: 14 та худудий филиал; 211 та туман ва шаҳар бўлимларига эга.

Компания миссияси – Ўзбекистон Республикаси суғурта бозорининг ривожланишига кўмаклашиш; сифатли экспорт суғуртаси хизматларини тақдим этиш.

Бизнинг ютуқларимиз:

“Ўзбекинвест”-  суғурта бозори етакчи компанияси бўлиб, сўнгги бир неча йиллар давомида суғурта мукофотларини йиғиш бўйича суғурта компаниялари рейтингида энг юқори ўринларни эгаллаб келмоқда.

ЭКСПОРТЧИЛАР УЧУН СУҒУРТА ХИЗМАТЛАРИ

Компания экспортчиларнинг ташқи бозорлардаги манфаатларини сиёсий, тижорат ёки логистика қалтисликларидан ҳимоя қилиш мақсадида кўплаб суғурта маҳсулотларини тақдим этади, шу жумладан:

  • Экспорт қилувчининг қисқа ёки узоқ муддатли дебитор қарздорлигини суғурталаш;
  • Товар етказиб берувчининг кредити суғуртаси (товарларни муддати кечиктирилган тўлов шартларида етказиб бериш);
  • Чет эллик харидор банкининг аккредитив бўйича мажбуриятларини бажармаслигидан суғурталаш;
  • Экспортчининг айланма маблағларини тўлдириш учун берилган кредитни суғурталаш (экспортолди молиялаштириш);
  • Ўзбекистон тижорат банкларининг "Харидорга кредит" тури бўйича экспорт кредитларини суғурталаш;
  • Экспорт факторингини суғурталаш;
  • Импорт шартномаси бўйича аванс тўловини суғурталаш;
  • Экспорт шартномаси бекор бўлишидан суғурталаш;
  • Логистика таваккалчиликларидан суғурталаш.

 

КИМЛAР БИЗНИНГ МИЖОЗИМИЗ БЎЛИШЛАРИ МУМКИН?

Экспортчилар

- Кечиктирилган тўлов асосида экспорт шартномаларини тузувчи ёки экспортолди молиялаштиришга муҳтож бўлган экспортчилар;

Банклар

- Экспорт шартномалари бўйича савдони молиялаштириш (кредитлаш) соҳасида фаолият юритувчи тижорат банклари.

Импортчилар

- Янги етказиб берувчи билан олдиндан тўлов асосида маълум маҳсулотларни етказиб бериш бўйича импорт шартномаларини тузувчи импортчилар.

 

CУҒУРТАЛАШНИНГ ФОЙДАЛИ ТОМОНЛАРИ

-Экспорт-импорт шартномаларини амалга оширишда ва тижорат банклари томонидан экспортолди молиялаштиришда юзага келувчи зарарларнинг 100 фоизигача қопланиши;

-Чет эл бозорларида сотув ҳажмининг ортиши;

-Суғурта полисидан таъминот сифатида фойдаланган ҳолда, кредит олиш имконияти;

-Валюта тушумлари келиб тушмаган тақдирда жарималардан озод бўлиш.

 

СУҒУРТАЛАШ ШАРТНОМАСИ ҚАНДАЙ ТУЗИЛАДИ?

Суғурта ҳимоясини олиш учун компаниянинг ҳудудлардаги тегишли филиалларига ёки компаниянинг Тошкент шаҳридаги бош офисига суғурта шартномасини тузиш ҳақида ариза топшириш зарур.