You are here

“O‘zagroeksportbank”ka litsenziya berildi

O‘zbekiston Respublikasi Markaziy banki Boshqaruvining qarori bilan “O‘zagroeksportbank” aksiyadorlik tijorat bankiga (Toshkent sh, Amir Temur ko‘chasi, 79A uy) bank operatsiyalarini amalga oshirish huquqini beruvchi litsenziya berildi.

Yangi bankning ustav kapitali 10 mln.yevro ekvivalentida shakllantirildi. Banking asosiy aksiyadorlari – O‘zbekiston Respublikasi Tiklanish va taraqqiyot jamg‘armasi (75%), “O‘zbekinvest” eksport-import milliy sug‘urta kompaniyasi (10%), “O‘zagrosug‘urta” AJ (5%), “Kafolat SK” AJ (5%) va “O‘zbekinvestxolding” XK (5%) dir.

“O‘zagroeksportbank” ATB o‘zining ustivor yo‘nalishini mamlakatimizning agrosanoat sohasini, birinchi navbatda meva-sabzavot mahsulotlari yetishtirishni rivojlantirish, uning zarur infratuzilmasini rivojlantirishga qaratilgan investitsiya loyihalarini moliyalashtirish va eksport salohiyatini oshirish, mijozlarga agrosanoat, birinchi navbatda meva-sabzavot mahsulotlarini xorijiy banklar, moliyaviy institutlar, diplomatik va savdo vakolatxonlari bilan hamkorlikda xalqaro bozorlarga olib chiqish borasida strategik dasturlar ishlab chiqishga qaratadi.