Етиб бориш чизмаси
Бош директор
Азимов Рустам Содиқович, 1958 йилда Тошкент шаҳрида туғилган. Маълумоти олий - 1980 йилда Тошкент Давлат университетини, 1989 йилда Тошкент Ирригация ва Қишлоқ Хўжалигини Механизациялаш Муҳандислари Институтини тамомлаган. 1998 йилда “Меҳнат шуҳрат” ордени, 2008 йилда “Фидокорона ҳизматлари учун” давлат орденлари ва мукофотлари билан тақдирланган.
"Ўзбекинвест" экспорт-импорт суғурта компанияси акциядорлик жамияти Бош директори лавозимига Ўзбекистон Республикаси Вазирлар Маҳкамасининг 2017 йил 6 июндаги 359-сонли қарори билан тайинланган.
- Компания Уставига биноан ўзига берилган ваколатларга мувофиқ Компания фаолиятига раҳбарлик қилади ва Компанияга юкланган вазифаларнинг бажарилиши учун шахсан жавоб беради;
- Компания мулкини бошқаради;
- шартномалар, келишувлар, шу жумладан, меҳнат шартномаларини тузади;
- ишончномалар беради;
- Компаниянинг барча ходимлари учун мажбурий бўлган буйруқлар ва фармойишлар чиқаради;
- Компания фаолиятига боғлиқ бошқа масалаларни кўриб чиқади ва қарор қабул қилади.
Бош директорнинг биринчи ўринбосари
Халиков Рустам Бахтиёрович, 1977 йилда Тошкент шаҳрида туғилган. Маълумоти олий - 1999 йилда Тошкент давлат иқтисодиёт университетини, 2002 йилда Ўзбекистон Республикаси Банк-молия академиясини тамомлаган.
«Ўзбекинвест» экспорт-импорт суғурта компания акциядорлик жамияти директорлар Кенгашининг 2019 йил 20 июндаги қарорига мувофиқ Компания бош директорининг экспорт олди ва экспорт суғуртаси масалалари бўйича биринчи ўринбосари лавозимига тайинланган.
Бош директор ўринбосари
Асатуллаев Алишер Лутфуллаевич 1978 йилда Тошкент шаҳрида туғилган. Маълумоти олий – 1999 йилда Тошкент Темир Йўл Муҳандислари Институтини, 2004 йилда Банк-молия академиясини тамомлаган.
2016 йилнинг 25 ноябридан буён «Ўзбекинвест» экспорт-импорт суғурта компания акциядорлик жамияти Бош директори ўринбосари лавозимида ишлаб келмоқда.
- суғурта фаолияти масалалари бўйича раҳбарликни амалга оширади;
- Компания таркибий тузилмалари фаолиятига раҳбарликни амалга оширади;
- суғурта ва қайта суғурта шартномаларини ўз вақтида тузиш (қайта тузиш), қалтисликларни комплекс баҳолаш ва бошқариш ишларини ташкил этади, компания суғурта маҳсулотларини сотиш тизимини ташкил қилади;
- Компаниянинг молиявий имкониятлари билан суғурталаш ва қайта суғурталаш шартномалари бўйича қабул қилинган мажбуриятларни баланслаштириш, суғурта фаолияти иқтисодий натижалари таҳлили ўтказилишини таъминлайди;
- суғурта ва қайта суғурталашнинг илғор теxнологияларини жорий этиш, xодимлар малакасини оширишни ташкил этиш ишини мувофиқлаштиради, Компаниянинг доимий аттестация комиссиясини бошқаради.
Бош директор маслаҳатчиси - Суғурта мактаби ва академияси директори
Насретдинов Саидолим Саидакмалович 1970 йил Тошкент шаҳрида туғилган. Маълумоти олий - 1992 йили Тошкент давлат университетини, 2004 йили Тошкент молия институтини ҳамда 2006 йили Ўзбекистон Республикаси Президенти ҳузуридаги Давлат ва жамият қурилиши академияси қошидаги Олий бизнес мактабини тамомлаган.
2024 йил 25 ноябрдан буён Бош директор маслаҳатчиси – Суғурта мактаби ва академияси директори лавозимида ишлаб келмоқда.
Бош директор маслаҳатчиси
Орипов Илҳом Абдуллаевич 1980 йилда Тошкент шаҳрида туғилган. Маълумоти олий - 2001 йилда Жаҳон иқтисодиёти ва дипломатия университетини, 2003 йилда Ўзбекистон Миллий университетини, 2007 йилда Тошкент давлат юридик институтини ҳамда Ўзбекистон Республикаси Президенти ҳузуридаги Давлат ва жамият қурилиши академиясини тамомлаган.
2024 йил 5 сентябридан буён «Ўзбекинвест» экспорт-импорт суғурта компанияси акциядорлик жамияти Бош директори маслаҳатчиси лавозимида ишлаб келмоқда.
