Экспортчининг айланма маблағларини тўлдириш учун берилган кредитни суғурталаш

ЭКСПОРТЧИНИНГ АЙЛАНМА МАБЛАҒЛАРИНИ ТЎЛДИРИШ УЧУН БЕРИЛГАН КРЕДИТИНИ СУҒУРТАЛАШ (экспортолди молиялаштириш)

Бу экспортчига экспорт фаолиятини кенгайтириш учун Ўзбекистон Республикаси тижорат банклари томонидан берилган кредитнинг қайтарилмаслик хавфидан суғурта қилишдир.  Ушбу суғурта турида экспортчи чет эллик харидор билан экспорт шартномасини тузганида ва экспорт маҳсулотларини ишлаб чиқариш учун маблағ етарли бўлмаган ҳолларда қўлланилади.  Экспортчи экспортолди молиялаштириш кредитини олиш учун Ўзбекистон Республикаси тижорат банкига мурожаат қилади.  Кредит қайтмаслигидан суғурташ полиси берилган кредит учун кафолат бўлиб ҳисобланади.

ҚАМРОВ ДОИРАСИ

Банк суғурта шартномаси бўйича суғурталанувчи хисобланади.

Экспортчининг кредит шартномаси бўйича тўлаш мажбуриятлари суғурта предмети ҳисобланади.

Суғурта шартномасига кўра чет эллик харидор билан боғлиқ сиёсий ва тижорат қалтисликлари ҳамда кредит маблағларини олган экспортчининг тижорат қалтисликлари қопланади.

Суғурта суммаси кредит миқдорининг 50 фоизигача ҳамда экспорт шартномаси суммасининг 85 фоизидан кўп бўлмаган миқдорда белгиланади.

Суғурта шартномаси бўйича товон пули 100 фоизгача тўлаб берилади.

Суғурта муддати кредит шартномасининг амал қилиш муддатига мос равишда тузилади.

СУҒУРТА МАҲСУЛОТИ НАРХИ

Суғурта мукофотининг миқдори сўралган суғурта муддатига, мамлакатнинг қалтислик даражасига,   чет эллик харидор ва экспортчининг молиявий ҳолатига ва кредит учун берилган кафолатга қараб белгиланади.

Суғурта мукофоти харажатлари экспорт қилувчига Ўзбекистон Республикаси Инвестициялар, саноат ва савдо вазирлиги ҳузуридаги Экспортни рағбатлантириш агентлиги томонидан қоплаб берилиши мумкин.

КЕРАКЛИ ҲУЖЖАТЛАР

• Экспорт шартномаси;
• Тўлдирилган анкета-ариза;
• Кредит шартномаси;
• Чет эллик харидорнинг низоми ва рўйхатдан ўтганлик тўғрисидаги гувоҳномаси;
• Чет эллик харидор ва экспортчининг сўнгги 3 йиллик учун тузилган баланси, даромадлари ва зарарлари тўғрисидаги ҳисоботи.
• Экспортчининг низоми ва рўйхатдан ўтганлик тўғрисидаги гувоҳномалари;

1. Экспорт шартномасини тузиш;
2. Экспорт шартномасини ТСОЯЭАТ-да рўйхатдан ўтказиш;
3. Кредит шартномасини имзолаш
4. Экспортчининг айланма маблағларини тўлдириш учун берилган кредит қайтмаслигидан суғурталаш шартномасини имзолаш;
5. Кредит шартномасига мувофиқ молиялаштиришни амалга ошириш;
6. Шартнома шартларига мувофиқ маҳсулотларни етказиб бериш;
7. 7а Экспорт шартномаси бўйича чет эллик харидор томонидан тўламаслик; 7б.Кредит шартномаси шартларига мувофиқ экспортчи томонидан тўламаслик;
8. Суғурта ҳодисаси юз берган тақдирда зарарни қоплаш.