Экспорт шартномаси бекор бўлишидан суғурталаш

ЭКСПОРТ ШАРТНОМАСИ БЕКОР БЎЛИШИДАН СУҒУРТАЛАШ

Бу чет эллик харидор томонидан сиёсий таваккалчиликлар туфайли экспорт шартномасининг бекор қилиниши хавфидан суғурталашдир.  Экспорт шартномаси тузилгандан кейин экспортчи чет эллик харидор буюртмаси бўйича маҳсулот ишлаб чиқаради.  Ушбу даврда харидор мамлакатида сиёсий можаролар юз бериши ва бунинг натижасида харидор юк жўнатилишидан олдин шартномани бекор қилишга мажбур бўлиши мумкин. Бу давр мобайнида экспортчи маҳсулот ишлаб чиқариш учун маълум харажатларни амалга оширади ва шартнома бекор қилинганлиги сабабли маҳсулотларини сота олмайди ҳамда маҳсулотлар учун пулини ололмайди.  Суғурта компанияси ушбу турдаги муаммони экспорт шартномасининг бекор бўлишидан суғурталаш орқали ҳал қилиши мумкин.

ҚАМРОВ ДОИРАСИ

Экспортчи суғурта шартномаси бўйича суғурталанувчи ҳисобланади.

Суғурта предмети - бу чет эллик харидорнинг экспорт шартномаси бўйича маҳсулотларни жўнатилишигача бўлган даврдаги сотиб олиш мажбуриятлари ҳисобланади.

Суғурта суммаси экспорт шартномаси суммасининг 100 фоиз миқдоригача белгиланади.

Суғурта ҳимояси хорижий харидорнинг мамлакатида юзага келадиган сиёсий таваккалчиликларни қоплайди.

Суғурта шартномаси бўйича товон пули зарарнинг 100 фоизигача бўлган миқдорни ташкил этади.

Суғурта муддати экспорт шартномаси муддатига мос равишда белгиланади.

СУҒУРТА МАҲСУЛОТИ НАРХИ

Суғурта мукофотининг миқдори сўралган суғурта даврига, етказиб бериш муддатига, мамлакатнинг қалтислик даражасига қараб белгиланади.

КЕРАКЛИ ҲУЖЖАТЛАР

• Экспорт шартномаси;
• Тўлдирилган анкета-ариза.

1. Экспорт шартномасини тузиш;
2. Экспорт шартномаси бекор бўлишидан суғурталаш шартномасини имзолаш;
3. Чет эллик харидор томонидан экспорт шартномаси бекор қилинганлиги сабабли чет эллик харидорга тайёр маҳсулотларни жўнатишнинг имконияти мавжуд бўлмаслиги;
4. Суғурта ҳодисаси юз берган тақдирда зарарни қоплаш.