Search
  1. Бош саҳифа
  2. Биз ҳақимизда

Биз ҳақимизда

Чоп этиш версияси

Корпоратив бошқарув кодекси

«Ўзбекинвест» экспорт-импорт акциядорлик жамияти суғурта компанияси умумий суғурта бозорида ўз фаолиятини олиб боради ва суғурта фаолияти классификаторига кўра мавжуд 17 турдаги суғуртанинг барчаси билан шуғулланади

Ташкил этилган сана:

  • 1994 йил апрел – «Ўзбекинвест» суғурта компаниясининг ташкил этилиши (Ўзбекистон Республикаси Вазирлар Маҳкамасининг 1994 йил 13 апрелдаги 206-сонли Қарори)
  • 1997 йил феврал – Экспорт ва инвестицияларни суғурталаш бўйича мамлакатимизнинг расмий агенти мавқейи берилиб, «Ўзбекинвест» экспорт-импорт суғурта компанияси этиб қайта ташкил этилди (Ўзбекистон Республикаси Президентининг 1997 йил 18 февральдаги ПҚ-1710 сонли ҳамда Ўзбекистон Республикаси Вазирлар Маҳкамасининг 1997 йил 28 февральдаги 113 сонли Қарори)
  • 2020 йил 1 июлда Ўзбекистон Республикаси Президентининг "Экспорт фаолиятини молиялаштириш ва суғурта механизмларини кенгайтириш тўғрисида" ги Фармони ижроси доирасида ва Республика Вазирлар Маҳкамасининг тайинланишига жавобан "Ўзбекинвест" компания акциядорлик жамиятига айлантирилди.

Компаниянинг Устав жамғармаси: 303,45 млрд сўм.

Компания таъсисчилари: 

"Ўзбекистон Республикаси Давлат активларини бошқариш агентлиги (75,35%);

Ўзбекистон Республикаси миллий инвестиция жамғармаси АЖ (20,00%);

Юридик ва жисмоний шахслар (4,65%).

Компания миссияси – Мақбул нархлардаги юқори сифатли суғурта хизматларини тақдим этиш орқали Ўзбекистон Республикаси суғурта бозорининг ривожланишига кўмаклашиш.

“Ўзбекинвест” компаниясининг Низоми вазифалари:

- хориждаги миллий экспортчиларнинг иқтисодий манфаатларини чет эллик шерикларнинг шартнома мажбуриятларини бажаришига тўсқинлик қиладиган сиёсий, тижорий ва тадбиркорлик хатарларидан ҳар томонлама суғурта ҳимоясини таъминлаш;

- экспорт кредитларини суғурталашнинг халқаро тамойилларига мувофиқ технологиялар, товарлар ва хизматлар экспортини молиялаштириш учун кредитлар берадиган Ўзбекистон Республикаси резидентлари - тижорат банкларига суғурта кафолатларини тақдим этиш;

- Ўзбекистон Республикаси иқтисодиётига сармоя киритаётган хорижий инвесторларнинг мулкий ва шахсий манфаатларини ҳар томонлама суғурта ҳимоясини таъминлаш;

- халқаро, хорижий, маҳаллий давлат ва хусусий суғурта ташкилотлари, қўшма суғурта фаолияти ва қайта суғурта операциялари билан бевосита ҳамкорликни ривожлантириш.

Компаниянинг иш тартиби:

Душанбадан жумагача, соат 9:00 дан 18:00 гача.

Шанба, якшанба - дам олиш кунлари.

Компания инфратузилмаси:

1. Марказий аппарат;

2. Ҳудудий филиаллар:

  • Тошкент шаҳри, вилоятлар ва Қорақалпоғистон Республикасида 14 та филиал;
  • 200 дан ортиқ туман бўлимлари, улардан 26 та шаҳар бўлимлари;
  • 800 нафардан ортиқ суғурта агентлари.

3. Қўшма ва махсуслаштирилган шўъба корхоналари:

- «Ўзбекинвест Интернешнл» қўшма компанияси

Ўзбекистон Республикасига жалб қилинадиган хорижий инвестицияларни сиёсий қалтисликлардан суғурталаш бўйича компания

- «Ўзбекинвест Ассистанс» МЧЖ

Тиббий ва юридик ассистанс хизмати

 

- «Ўзбекинвест Ҳаёт» масъулияти чекланган жамияти суғурта компанияси

Ҳаёт суғуртаси бўйича шўъба компанияси

Ривожланиш истиқболлари:

«Ўзбекинвест» суғурта компанияси бозорда етакчи компаниялардан бири бўлиб, кўп йиллар давомида йиғилган суғурта мукофотлари ҳажми бўйича рейтингларда юқори ўринларни барқарор эгаллаб келмоқда.

Компанияни халқаро қайта суғурталаш бозорларига фаол чиқариш ва ўзбекистонлик экспортчиларни чет элда суғурта жиҳатидан қўллаб-қувватлашни кенгайтириш мақсадида, «Ўзбекинвест» халқаро рейтинг агентликлари билан ҳамкорлик ишларини олиб бормоқда.

Хусусан:

  • 2024 йил ноябрь ойида халқаро «Moody’s Ratings» агентлиги «Ўзбекинвест» суғурта компаниясининг молиявий барқарорлик рейтингини «Ba3» даражасидан «Ba2», «Барқарор» даражасига оширганини расман эълон қилди. Шунингдек, 2025 йил июнь ойида ушбу агентлик мазкур рейтинг бўйича прогнозни «Ижобий» даражага кўтарди, бу эса компаниянинг юқори кредит қобилиятидан далолат беради.

Moody’s таъкидлаганидек, мазкур молиявий барқарорлик рейтинги (IFSR) ва унинг прогнози «Ўзбекинвест» компаниясининг суғурта бозоридаги кучли позицияси, Aaa рейтингига эга молиявий институтлар томонидан бошқариладиган юқори сифатли инвестиция портфели, суғурта хатарларига нисбатан юқори капитал даражаси ҳамда компаниянинг халқаро қайта суғурта бозорига бўлган катта эътибори туфайли юзага келган географик ва бизнес диверсификациясининг кучайишига асосланади.

  • 2025 йил май ойида халқаро «A.M.Best Company Inc.» агентлиги «Ўзбекинвест» компаниясининг молиявий барқарорлик рейтинги (FSR)ни B даражасида ва эмитентнинг узоқ муддатли кредит рейтинги (ICR)ни bb даражасида белгилади, ҳар иккала рейтинг бўйича прогноз — «барқарор».

Аналитикларнинг фикрича, компания баланси барқарорлиги капитализациянинг юқори даражаси ва капитал етарлилиги коэффициентининг максимал баҳосига асосланади. Бу ҳолат, эҳтиёткорликка асосланган инвестиция сиёсати — активларни AAA рейтингли халқаро бозорларда жойлаштириш ва хатар таҳлилини такомиллаштириш билан бирга, андеррайтинг натижаларининг сезиларли яхшиланишига хизмат қилмоқда.

  • 2024 йил август ойида миллий рейтинг агентлиги «Ahbor-Reyting» «Ўзбекинвест» компаниясига миллий шкаладаги энг юқори тўлов қобилияти рейтинги —«uzА++», прогноз — «барқарор»ни берди.

Ушбу рейтинг даражаси суғурта полиси эгалари олдидаги мажбуриятларни ўз вақтида ва тўлиқ бажариш қобилияти жуда юқори бўлган компанияларга бериладиган энг юқори баҳодир.

Рейтинг агентлиги ушбу юқори баҳога таъсир этувчи бир қатор ижобий омилларни қайд этди: кенг ҳудудий қамров ва суғурта хизматларининг турли хиллиги, бозордаги юқори улуш ва етакчи позициялар, ҳудудлар бўйича суғурта тушумларининг ижобий диверсификацияси, компаниянинг фаол ишбилармонлик сиёсати ва суғурта хизматлари бозоридаги асосий сегментларни тез ўзлаштириши, замонавий ахборот технологиялари ва молиявий воситаларни жорий этиш, юқори тўлов қобилияти, тажрибали бошқарув жамоаси мавжудлиги.

Мижозлар садоқатини ошириш мақсадида бошқарув тизими ва кўрсатилаётган хизматлар сифатини таҳлил қилиш ва самарадорлигини ошириш — суғурта бозорида етакчи позицияни сақлаб қолиш ва фаолиятни ривожлантиришнинг стратегик асоси ҳисобланади.

  • 2025 йил май ойида компаниянинг Сифат менежменти тизими бўйича қайта сертификатлаштириш аудити муваффақиятли ўтказилди ва унинг натижасида «ISO 9001:2015» халқаро стандартига мувофиқлик сертификати яна бир бор узайтирилди.

Компаниянинг келгуси ўсиш стратегияси қуйидагиларга қаратилган: корпоратив ва чакана секторларда бозордаги позицияларни мустаҳкамлаш, янги замонавий суғурта маҳсулотлари ва дастурларини жорий этиш, суғурта фаолиятида ахборот технологияларини ривожлантириш, мижозларнинг эҳтиёжларига мос равишда сотув ва сотувдан кейинги хизмат жараёнларини доимий такомиллаштириш.

Биз ҳақимизда