Search
  1. Bosh sahifa
  2. Kompaniya haqida

Kompaniya haqida

chop etish versiyasi

Korporativ boshqaruv kodeksi

“O‘zbekinvest” eksport-import aksiyadorlik jamiyati sug'urta kompaniyasi umumiy sug'urta bozorida o‘z faoliyatini olib boradi va sug'urta faoliyati klassifikatoriga ko‘ra mavjud 17 turdagi sug‘urtaning barchasi bilan shug‘ullanadi

Tashkil etilgan sana:

  • 1994 yil aprel – “O‘zbekinvest” sug'urta kompaniyasining tashkil etilishi (O‘zbekiston Respublikasi Vazirlar Mahkamasining 1994 yil 13 apreldagi 206-sonli Qarori)

  • 1997 yil fevral – Eksport va investitsiyalarni sug‘urtalash bo‘yicha mamlakatimizning rasmiy agenti mavqeyi berilib, “O‘zbekinvest” eksport-import sug'urta kompaniyasi etib qayta tashkil etildi (O‘zbekiston Respublikasi Prezidentining 1997 yil 18 fevraldagi PQ-1710 sonli hamda O‘zbekiston Respublikasi Vazirlar Mahkamasining 1997 yil 28 fevraldagi 113-sonli Qarori)

  • 2020 yil 1 iyulda O‘zbekiston Respublikasi Prezidentining "Eksport faoliyatini moliyalashtirish va sug'urta mexanizmlarini kengaytirish to‘g‘risida"gi Farmoni ijrosi doirasida va Respublika Vazirlar Mahkamasining tayinlanishiga javoban "O‘zbekinvest" kompaniyasi aksiyadorlik jamiyatiga aylandi.

Kompaniyaning Ustav jamg‘armasi: 296,3 mlrd so‘m.

Kompaniya taʼsischilari:

O‘zbekiston Respublikasi Investitsiyalar, sanoat va savdo vazirligi (79,37%);

"O‘zbekiston Respublikasi Davlat aktivlarini boshqarish agentligi (15,87%);

Boshqa yuridik va jismoniy shaxslar (4,76%).

Kompaniya maqsadi – Maqbul narxlardagi yuqori sifatli sug'urta xizmatlarini taqdim etish orqali O‘zbekiston Respublikasi sug'urta bozorining rivojlanishiga ko‘maklashish.

“O‘zbekinvest” kompaniyasining Ustav vazifalari:

- xorijdagi milliy eksportchilarning iqtisodiy manfaatlarini, chet ellik sheriklarning shartnoma majburiyatlarini bajarishiga to‘sqinlik qiladigan siyosiy, tijoriy va tadbirkorlik xatarlaridan har tomonlama sug'urta himoyasini taʼminlash;

- eksport kreditlarini sug‘urtalashning xalqaro tamoyillariga muvofiq texnologiyalar, tovarlar va xizmatlar eksportini moliyalashtirish uchun kreditlar beradigan O‘zbekiston Respublikasi rezidentlari - tijorat banklariga sug'urta kafolatlarini taqdim etish;

- O‘zbekiston Respublikasi iqtisodiyotiga sarmoya kiritayotgan xorijiy investorlarning mulkiy va shaxsiy manfaatlarini har tomonlama sug'urta himoyasini taʼminlash;

- xalqaro, xorijiy, mahalliy, davlat va xususiy sug'urta tashkilotlari, qo‘shma sug'urta faoliyati va qayta sug'urta operatsiyalari bilan bevosita hamkorlikni rivojlantirish.

Kompaniyaning ish tartibi:

Dushanbadan jumagacha, soat 9:00 dan 18:00 gacha.

Shanba, yakshanba - dam olish kunlari.

Kompaniya infratuzilmasi:

1. Markaziy apparat;

2. Hududiy filiallar:

  • Toshkent shahri, viloyatlar va Qoraqalpog‘iston Respublikasida 14 ta filial;

  • 200 dan ortiq tuman bo‘limlari, ulardan 26 ta shahar bo‘limlari;

  • 800 nafardan ortiq sug'urta agentlari.

3. Qo‘shma va maxsuslashtirilgan shoʻba korxonalari:

- «O‘zbekinvest Interneshnl» qo‘shma kompaniyasi

O‘zbekiston Respublikasiga jalb qilinadigan xorijiy investitsiyalarni siyosiy qaltisliklardan sug‘urtalash bo‘yicha kompaniya

- «O‘zbekinvest Assistans» MChJ

Tibbiy va yuridik assistans xizmati

- «O‘zbekinvest Sarmoyalari» Unitar korxonasi

Investitsiya faoliyati

- «O‘zbekinvest Hayot» masʼuliyati cheklangan jamiyati sug'urta kompaniyasi

Hayot sug‘urtasi bo‘yicha shoʻba kompaniyasi

Rivojlanish istiqbollari:

«O‘zbekinvest» so‘nggi bir necha yil ichida sug‘urta mukofotlarini yig‘ish bo‘yicha yurtimiz sug‘urta kompaniyalari orasida reytingning eng yuqori pog‘onalarini egallab kelayotgan yetakchi sug‘urta kompaniyasi hisoblanadi.

2016 yilda «O‘zbekinvest» O‘zbekiston korxonalari orasida birinchi bo‘lib qayta sertifikatlashdan o‘tdi va SGS (Shveysariya) xalqaro sertifikatlashtirish organi tomonidan chiqarilgan sifat menejmenti tizimining ISO 9001:2015 yangi versiyasiga muvofiqligi sertifikatini oldi.

2024 yil 26 aprel kuni  A.M. Best Company Inc. (AQSh) xalqaro reyting agentligi “O‘zbekinvest” sug‘urta kompaniyasining moliyaviy barqarorlik reytingi “Barqaror” prognozi bilan “BB” darajasiga ko‘tarilganini rasman e'lon qildi. Shu bilan birga, “O‘zbekinvest” O‘zbekistonda ushbu agentlik tomonidan xalqaro reytingga sazovor bo‘lgan birinchi va yagona tashkilot hisoblanadi.

2024 yilning 14 noyabr kuni «katta uchlik» xalqaro reyting agentliklaridan biri bo‘lgan «Moody’s Ratings» (AQSh) xalqaro reyting agentligi “O‘zbekinvest” sug‘urta kompaniyasining moliyaviy barqarorlik reytingini “barqaror” prognozi bilan «Ba2» darajasiga ko‘tarilgani haqida rasmiy press-reliz chop etdi. Bu ko‘rsatkich O‘zbekiston bank-moliya sektori tuzilmalari orasida eng yuqori hisoblanadi.

2023 yil avgust oyida “Ahbor Reyting” reyting agentligi “O‘zbekinvest” eksport-import sug‘urta kompaniyasiga “barqaror” prognoz bilan “uzA++” darajasida milliy shkala bo‘yicha eng yuqori to‘lov qobiliyati reytingini berdi.

Kompaniyaning keyingi o‘sish strategiyasi korporativ va chakana savdo sohalarida bozor mavqelarini mustahkamlashga, yangi zamonaviy sug'urta mahsulotlari va dasturlarini joriy etishga, sug'urta faoliyatida axborot texnologiyalarini rivojlantirishga, shuningdek, sotish jarayoni va sotishdan keyingi xizmatlarni doimiy ravishda takomillashtirishga qaratilgan.

Kompaniya haqida