Tovar yetkazib beruvchining krediti sugʼurtasi

chop etish versiyasi

TOVAR YETKAZIB BERUVCHINING KREDITI SUGʻURTASI (tovarlarni muddati kechiktirilgan to‘lov shartlarida yetkazib berish)

Bu tijorat va siyosiy tavakkalchiliklar tufayli chet ellik xaridorning eksport shartnomasi asosida unga yetkazib berilgan tovarlar uchun to‘lamaslik xavfidan sug‘urta qilishdir.  Agar eksport shartnomasining to‘lov shartlarida tovarlar jo‘natilgandan keyin to‘lash nazarda tutilgan bo‘lsa, eksportchi pulini xavf ostiga qo‘yadi va tovar uchun to‘lovni ololmasligi mumkin.  Shu munosabat bilan, tovarlarni kechiktirilgan to‘lov asosida sotishda eksportchini himoya qilish zarur.

QAMROV DOIRASI

Eksportchi sug‘urta shartnomasi bo‘yicha sug‘urtalanuvchi hisoblanadi.

Sug‘urta predmeti - chet ellik xaridorning eksport shartnomasida oldindan kelishib olingan, kechiktirilgan to‘lov bo‘yicha to‘lash majburiyati hisoblanadi.

Sug‘urta himoyasi chet ellik xaridor mamlakatida yoki tovar o‘tadigan yoki to‘lov amalga oshiriladigan har qanday uchinchi davlatda yuzaga keladigan siyosiy va tijorat tavakkalchiliklarini qoplaydi.

Sug‘urta summasi eksport shartnomasiga ko‘ra kechiktirilgan to‘lov summasi miqdoriga asosan belgilanadi.

Sug‘urta shartnomasi bo‘yicha tovon puli zararning 100 foizigacha bo‘lgan miqdorni tashkil etadi.

Sug‘urta muddati eksport shartnomasi muddatiga mos ravishda belgilanadi.

Sug‘urta shartnomasi asosida alohida eksport shartnomasi yoki sug‘urtalanuvchining eksport portfeliga kiruvchi barcha shartnomalar sug‘urta qilinishi mumkin.

SUGʻURTA MAHSULOTI NARXI

Sug‘urta mukofotining miqdori so‘ralgan sug‘urta davriga, kechiktirilgan to‘lov muddatiga, mamlakatning qaltislilik darajasiga, chet ellik xaridorning moliyaviy holatiga va mavjud bo‘lgan garov turiga (kafolat) qarab belgilanadi.

KERAKLI HUJJATLAR

  • Eksport shartnomasi;
  • To‘ldirilgan anketa-ariza;
  • Chet ellik xaridorning nizomi va ro‘yxatdan o‘tganlik to‘g‘risidagi guvohnomasi;
  • Chet ellik xaridorning so‘nggi 3 yillik uchun balans hamda daromadlari va zararlari to‘g‘risidagi hisoboti.

  1. Eksport shartnomasini tuzish (sug‘urta kompaniyasi bilan kelishilgan holda);
  2. Eksport shartnomasini TSOYEAT-da ro‘yxatdan o‘tkazish;
  3. Eksport shartnomasini sug‘urtalash shartnomasini imzolash;
  4. Shartnoma shartlariga muvofiq mahsulotlarni (bajarilgan ishlarni, xizmatlarni) yetkazib berish;
  5. Chet ellik xaridor tomonidan shartnoma bo‘yicha to‘lov majburiyatlarini bajarilmasligi;
  6. Sug‘urta hodisasi yuz bergan taqdirda zararni qoplash.