Analitika va statistika

chop etish versiyasi

2023-yilning 9 oyida “O‘zbekinvest” biznes hajmini ikki baravardan ortiq o‘sishini taʼminladi

O‘zbekiston Respublikasida keng qamrovli iqtisodiy islohotlar doirasida sug‘urta sohasini faol rivojlantirish va isloh qilish jarayoni amalga oshirilmoqda. Mazkur chora-tadbirlar zamonaviy, to‘laqonli va raqobatbardosh sug‘urta bozorini shakllantirishning asosiy omili bo‘lib, tadbirkorlik subyektlarining barqaror rivojlanishiga, shuningdek, aholi salomatligi va mulk himoyasiga xizmat qilmoqda.

O‘zbekiston sug‘urta bozorini rivojlantirish jarayonida 2023-yilning 9 oyi davomida “O‘zbekinvest” kompaniyasi faoliyatning turli yo‘nalishlari bo‘yicha ko‘rsatkichlar bo‘yicha sezilarli o‘sishga erishdi. 2023-yilning 9 oyida kompaniya tomonidan yig‘ilgan mukofotlar hajmi 938,4 milliard so‘mni tashkil etib, 2022-yilning shu davriga nisbatan 210% foizga o‘sdi.

Ko‘rsatkichlar o‘sishining ijobiy dinamikasi, asosan, xalqaro sug‘urtalash va qayta sug‘urtalash bozorida sug‘urta operatsiyalarining rivojlanishi bilan bog‘liq bo‘ldi. Qayta sug‘urtalash mukofotlarining yalpi yig‘ilishi 35,5 million AQSH dollarini tashkil etib, 2022-yilning shu davriga nisbatan 156%ga o‘sishi taʼminlandi. Shu bilan birga, kompaniya sug‘urta portfelidagi sug‘urta xizmatlari eksportining ulushi 42 foizni tashkil etdi.

Milliy mahsulot va xizmatlar eksport qiluvchilarga 1,8 mln. AQSH dollari miqdorida sug‘urta himoyasi taqdim etildi.

Sug‘urta mukofotlari o‘sishining ijobiy dinamikasi korporativ segmentda ham kuzatilmoqda. Ushbu yo‘nalishdagi sug‘urta mukofotlari xajmi 2022-yilning 9 oyi yakunlariga nisbatan 3,4 barobar o‘sish bilan 479,1 milliard so‘mni tashkil etdi, yuridik shaxslar bilan 70 mingdan ortiq shartnomalar tuzildi.

Jismoniy shaxslarni sug‘urtalash segmentida o‘tgan yilning shu davriga nisbatan 177 foizga o‘sish bilan 65,1 mlrd.so‘m miqdorida mukofotlar yig‘ildi. Joriy yilning 9 oyida jismoniy shaxslar bilan o‘tgan yilning shu davriga nisbatan 130,6 foizga o‘sish bilan 713,4 mingta shartnoma tuzildi.

O‘zbekiston Respublikasi Prezidentining “O‘zbekiston Respublikasining sug‘urta bozorini isloh qilish va uning jadal rivojlanishini taʼminlash chora-tadbirlari to‘g‘risida”gi qarorida belgilangan vazifalarga muvofiq “O‘zbekinvest” tomonidan kompaniya faoliyatidagi biznes jarayonlarni amalga oshirishda, shu jumladan sug‘urtaning ayrim turlari bo‘yicha elektron polislarni (Ye-polis) rasmiylashtirishda, Internet va mobil ilovalar orqali zamonaviy axborot texnologiyalarini keng qo‘llash bo‘yicha uzluksiz ishlar amalga oshirilmoqda.

2023-yil sentabr oyi boshiga ko‘ra, “O‘zbekinvest” transport vositalari egalarining fuqarolik javobgarligini majburiy sug‘urta qilish (TVEFJMSQ) bozoridagi yetakchilik mavqeini mustahkamladi. Shu bilan birga, 2023-yilning 9 oyi davomida “O‘zbekinvest” kompaniyasining raqamli platformalari 635 mingdan ortiq onlayn polislarni rasmiylashtirish imkonini berdi,bu esa rasmiylashtirilgan sug‘urta polislari umumiy ulushining 81,1% ni tashkil etdi.

Mijozlarning murojaatlarini tezkor ko‘rib chiqish va yetkazilgan zararni o‘z vaqtida qoplash “O‘zbekinvest” kompaniyasining eng muhim vazifalaridan biridir. Joriy yilning 9 oyi davomida 3100 dan ortiq sug‘urta daʼvolari ko‘rib chiqilib, ular bo‘yicha 63,3 mlrd.so‘mdan ortiq sug‘urta to‘lovlari amalga oshirildi.

So‘nggi yillarda “mahallabay” tizimi doirasida fuqarolar bilan ishlashni tubdan yaxshilash, ixtiyoriy va majburiy sug‘urta tizimiga shahar va qishloq, shu jumladan chekka qishloqlar aholisini, faol jalb etishga qaratilgan qator chora-tadbirlar amalga oshirildi. Amalga oshirilgan ishlar natijasida joriy yilning 9 oyi davomida 30,2 milliard so‘m sug‘urta mukofotlari yig‘ilishi taʼminlandi.

Shu bilan birga, joriy yilning sentabr oyida “Murad Buildings” va “O‘zbekinvest” kompaniyalari “Ikki karra ishonch” yangi mahsulotini taqdim etdilar. Uning doirasida “Regnum Plaza” va “Soy Bo‘yi” turar-joy majmualaridagi xonadonlarni xaridorlari mol-mulk sug‘urta himoyasi bilan taʼminlanadi. Bu loyiha O‘zbekiston sug‘urta sohasidagi hamda xususiy developerlar tomonidan turar-joy majmualarini qurish sohasidagi tajriba loyihasi hisoblanadi.

Mamlakatimizda taʼlim sohasida amalga oshirilayotgan islohotlarga o‘z hissasini qo‘shgan holda, shuningdek, sug‘urta yo‘nalishida tahsil olayotgan talabalarning ilmiy — amaliy salohiyatini oshirish maqsadida joriy yilning 28-oktyabr kuni “O‘zbekinvest” kompaniyasining bosh ofisi binosida Toshkent moliya instituti “Sug‘urta ishi” kafedrasining “O‘zbekinvest” kompaniyasidagi filiali ochilishining tanatanali marosimi bo‘lib o‘tdi.

Xodimlarni uzluksiz o‘qitish tizimini amalga oshirish doirasida 2023-yil aprel oyida “O‘zbekinvest” kompaniyasi hududiy filiallarining 11 nafar hududiy rahbarlari Vashington universitetining mutaxassislari tomonidan maxsus ishlab chiqilgan o‘quv dasturi bo‘yicha malaka oshirish uchun Sietl (Vashington, AQSH) shahriga tashrif buyurdilar.

Shuningdek, joriy yilning iyun oyida kompaniya tuman filiallarining 15 nafar rahbarlari Praga (Chexiya) shahridagi G‘arbiy Chexiya universitetida “Sug‘urta” kursida malaka oshirish kurslarini tamomladi.

Joriy yilning avgust oyida “O‘zbekinvest” kompaniyasining bir guruh hududiy filiallar direktorlari Turkiya sug‘urta institutida malaka oshirish kurslarini tamomladilar. U yerda ular eksport risklari, korporativ mijozlar va jismoniy shaxslarni sug‘urtalash bo‘yicha xalqaro tajribani o‘rgandish imkoniyatiga ega bo‘ldilar.

“O‘zbekinvest” kompaniyasi joriy yilning may oyida ISO 9001:2015 xalqaro standarti talablariga muvofiqligi audit tekshiruvidan muvaffaqiyatli o‘tib, mahsulotlarning ishonchliligi va xalqaro standartlarga mosligini yana bir bor tasdiqladi. Kompaniyani sertifikatlash xalqaro sertifikatlashtirish organi “CERT International” (Slovakiya) tomonidan amalga oshirildi.

Shuningdek, 2023-yilning may oyida “katta uchlik” xalqaro reyting agentliklaridan biri bo‘lgan Moodyʼs Investors Service Ltd. (AQSH) xalqaro reyting agentligi “O‘zbekinvest” sug‘urta kompaniyasining moliyaviy mustahkamlik reytingi prognozi “Ijobiy”, “Ba3” darajasiga ko‘tarilganini rasman eʼlon qildi.

Joriy yilning avgust oyida “ Ahbor-Reyting ” agentligi “O‘zbekinvest” eksport-import sug‘urta kompaniyasiga “barqaror” prognozi bilan “ uzA++” darajasida milliy shkala bo‘yicha eng yuqori to‘lov qobiliyati reytingini berdi.

Sug‘urta bozorida raqobat kuchayib borayotgani, shuningdek, mijozlarning ko‘rsatilayotgan xizmatlar sifatiga bo‘lgan talablari ortib borayotgan bir sharoitda “O‘zbekinvest” kompaniyasi biznes yuritishda innovatsion raqamli yondashuvlarga asoslangan samarali faoliyatini davom ettirishni va o‘z mijozlariga ishonchli kompleks sug‘urta himoyasini taʼminlashni rejalashtirgan.