Импорт шартномаси бўйича аванс тўловини суғурталаш

AВАНС ТЎЛОВЛАРИНИ СУҒУРТАЛАШ

Бу чет эллик етказиб берувчи томонидан сиёсий ва тижорат таваккалчиликлари сабабли импорт қилинаётган товарларни ёки аванс тўловини қайтармаслик хавфидан суғурталашдир.  Ушбу суғурта полиси импорт қилувчи томонидан импорт шартномасига асосан етказиб берувчига юбориладиган товарлар учун олдиндан тўлов амалга оширилган ҳолларда қўлланилади. Маҳсулотларни етказиб бермаслик ва аванс тўловини қайтармаслик хавфи мавжуд бўлганлиги сабабли импорт қилувчилар суғурталаниши мумкин.

ҚАМРОВ ДОИРАСИ

Импорт қилувчи суғурта шартномасига кўра суғурталанувчи ҳисобланади.

Суғурта предмети - бу импорт шартномасига мувофиқ чет эллик етказиб берувчи билан маҳсулотларни аванс тўлови тўлангандан кейин етказиб беришга келишиб олинган тақдирда, чет эллик етказиб берувчининг маҳсулотларни етказиб бериш бўйича мажбуриятлари ҳисобланади.

Суғурта суммаси импорт шартномаси суммасининг 50 фоиз миқдоригача бўлиши мумкин.

Суғурта чет эллик етказиб берувчининг мамлакатида ёки товар ўтадиган ёки етказиб бериладиган ҳар қандай учинчи давлатда юзага келадиган сиёсий ва тижорат таваккалчиликларини қоплайди.

Суғурта шартномаси бўйича товон пули зарарнинг 100 фоизгача бўлган миқдорни ташкил этади.

Суғурта муддати импорт шартномаси муддатига мос равишда белгиланади.

СУҒУРТА МАҲСУЛОТИ НАРХИ

Суғурта мукофотининг миқдори сўралган суғурта даврига, етказиб бериш муддатига, мамлакатнинг қалтислик даражасига, чет эллик етказиб берувчининг молиявий ҳолатига қараб белгиланади.

КЕРАКЛИ ҲУЖЖАТЛАР

• Импорт шартномаси;
• Тўлдирилган анкета-ариза;
• Чет эллик этказиб берувчининг низоми ва рўйхатдан ўтганлиги ҳақидаги гувоҳномаси;
• Чет эллик етказиб берувчининг сўнгги 3 йил учун баланс ҳамда даромадлари ва зарарлари тўғрисидаги ҳисоботи.

1. Импорт шартномасини тузиш;
2. Импорт шартномасини ТСОЯЭАТ-да рўйхатдан ўтказиш;
3. Импорт шартномаси бўйича аванс тўловларини суғурталаш шартномасини имзолаш;
4. Aванс тўловини тўлаш;
5. Чет эллик етказиб берувчининг шартномавий мажбуриятларини бажармаганлиги;
6. Суғурта ҳодисаси юз берган тақдирда зарарни қоплаш.