Ўзбекистон тижорат банкларининг "Харидорга кредит" тури бўйича экспорт кредитларини суғурталаш

МИЛЛИЙ ТИЖОРАТ БАНКЛАРИНИНГ "ХАРИДОРГА КРЕДИТ" ТУРИ БЎЙИЧА ЭКСПОРТ КРЕДИТЛАРИНИ СУҒУРТАЛАШ

Бу Ўзбекистон Республикаси тижорат банклари томонидан экспорт шартномасига кўра тўловларни амалга ошириш учун чет эл харидорини молиялаштириш мақсадида чет эл банкига тақдим қилинган кредит маблағлари сиёсий ва тижорат таваккалчиликлари туфайли қайтарилмаслиги хавфидан суғурталашдир.  Ушбу суғурта полиси кредит шартномаси бўйича қредит берувчи банк учун гаров вазифасини бажаради.

ҚАМРОВ ДОИРАСИ

Суғурта шартномасига кўра чет эл банки билан Кредит шартномаси тузган, Ўзбекистон Республикаси резиденти ҳисобланган тижорат банки суғурталанувчи ҳисобланади.

Суғурта предмети - бу чет эллик қарз олувчи банкининг кредит шартномасига мувофиқ Ўзбекистон Республикаси резиденти хисобланган тижорат банки томонидан берилган кредит маблағларини қайтариш мажбурияти ҳисобланади. Суғурта суммаси чет эллик қарз олувчи банкнинг асосий қарзи миқдорини ўз ичига олади.

Суғурта чет эллик қарз олувчи банк мамлакатида ёки кредит шартномаси бўйича тўлов амалга оширилиши мумкин бўлган ҳар қандай учинчи давлатда юзага келадиган сиёсий ва тижорат таваккалчиликларини қоплайди.

Суғурта суммаси кредит миқдорининг 100 фоизгача белгиланиши мумкин.

Суғурта шартномаси бўйича товон пули 100 фоизгача тўлаб берилади.

Суғурта муддати кредит шартномасининг амал қилиш муддатига мос равишда белгиланади. 

СУҒУРТА МАҲСУЛОТИ НАРХИ

Суғурта мукофотининг миқдори сўралган суғурта даврига, мамлакатнинг қалтислик даражасига, хорижий қарз олувчининг молиявий ҳолатига ва кредит олиш учун тақдим қилинган гаровга қараб белгиланади.

СУҒУРТАЛАШ ХУСУСИЯТЛАРИ

Муддати 2 йилдан ортиқ бўлган кредитларни суғурталашда Иқтисодий Ҳамкорлик ва Ривожланиш Ташкилоти томонидан қўлланиладиган Экспорт кредитлари тўғрисидаги Битимдан (ИҲРТ Консенсуси) фойдаланилади.

КЕРАКЛИ ҲУЖЖАТЛАР

• Экспорт шартномаси;
• Тўлдирилган анкета-ариза;
• Кредит шартномаси;
• Чет эллик қарз олувчининг низоми ва рўйхатдан ўтганлиги тўғрисидаги гувоҳномалар;
• Чет эллик қарз олувчининг сўнгги 3 йил учун баланси ҳамда даромад ва зарарлар тўғрисидаги ҳисоботи.

1. Экспорт шартномасини тузиш;
2. Экспорт шартномасини ТСОЯЭАТ-да рўйхатдан ўтказиш;
3. Кредит шартномасини имзолаш
4. "Харидорга кредит" тури бўйича суғурта шартномасини имзолаш;
5. Кредит шартномаси шартларига мувофиқ молиялаштиришни очиш;
6. Чет эллик харидор томонидан Ўзбекистон Республикасида ишлаб чиқарилган экспорт маҳсулотларини сотиб олиш учун кредитни қайта молиялаштириш;
7. Шартнома шартларига мувофиқ маҳсулотларни етказиб бериш;
8. Кредит шартномаси шартларига мувофиқ чет эл банки томонидан олинган кредит маблағларини қайтармаслик;
9. Суғурта ҳодисаси юз берган тақдирда зарарни қоплаш.