2022 yilda “Oʼzbekinvest” kompaniyasi xalqaro sugʼurta bozoridagi ishtirokini 3 barobarga oshirdi

“Oʼzbekinvest” kompaniyasi 1994 yilda Oʼzbekiston Respublikasi manfaatlarini xorijda himoya qilish maqsadida tashkil etilgan, shuning uchun xalqaro faoliyat kompaniya uchun eng muhim yoʼnalishlaridan biri hisoblanadi.

2021 yilning shu davriga nisbatan 2022 yilda kompaniya qayta sugʼurtalash mukofotlarining yalpi yigʼilishini 18 million dollardan 54 million dollargacha taʼminladi, bu esa biznes hajmlarining 3 barobarga dinamik oʼsishini taʼminladi.

Ushbu koʼrsatkich respublika sugʼurta kompaniyalari tomonidan olingan qayta sugʼurta mukofotlari umumiy hajmining 50 foizini tashkil etadi. Kompaniya portfelidagi xalqaro sugʼurta ulushi 2017 yildagi 0,5 foizdan 2022 yilda 65 foizgacha oshdi.

2017 yilda kompaniya 1 ta davlat bilan hamkorlik shartnomasini amalga oshirgan boʼlsa, bugungi kunga kelib kompaniya hamkorlik geografiyasining faol kengayishi natijasida “Oʼzbekinvest” kompaniyasining qayta sugʼurta himoyasi dunyoning 118 ta davlatida qabul qilingan.

Kompaniya Buyuk Britaniya, Germaniya, Frantsiya, Shveytsariya, Xitoy, Yaponiya, Janubiy Koreya va АQSh kabi mamlakatlardagi global sugʼurtalash va qayta sugʼurtalash kompaniyalari va brokerlari bilan hamkorlikni mustahkamlab, dunyo boʼylab 2500 dan ortiq sugʼurta shartnomalarini qayta sugʼurtalashni taʼminladi.

2022 yil mart oyida eng yirik xalqaro reyting agentligi A.M. Best Company (АQSh) “Oʼzbekinvest”ning uzoq muddatli reytingini “bb” darajasida tasdiqladi va prognozni “barqaror” deb qoldirdi. Shunday qilib, “Oʼzbekinvest” ning reytingi Oʼzbekistondagi barcha moliya institutlari orasida eng yuqori kredit reytingi hisoblanadi.

Shuningdek, Standard & Poors va Fitch Ratings bilan bir qatorda "katta uchlik" xalqaro reyting agentliklaridan biri boʼlgan Moodys Investors Service Ltd. 2022 yil dekabr oyida kompaniyaning moliyaviy barqarorlik reytingini "barqaror" prognoz bilan "Ba3" darajasida tasdiqladi, bu ham Oʼzbekistondagi bank - moliya institutlari orasida eng yuqori reyting hisoblanadi.

Bu yutuqlarning barchasi “Oʼzbekinvest” kompaniyasi jahon sugʼurta bozorida, jumladan, Londondagi asosiy sugʼurta bozori hisoblangan Lloyds da faol va obroʼli ishtirokchi sifatida xalqaro eʼtirofga sazovor boʼlgani va obroʼsini mustahkamlaganini tasdiqlaydi.

2023 yilda “Oʼzbekinvest” kompaniyasi oʼz oldiga jahon sugʼurtalash va qayta sugʼurtalash bozorida oʼz mavqeini yanada mustahkamlash, shuningdek, sugʼurta xizmatlari eksporti hajmini oshirish va geografiyasini kengaytirishni maqsad qilgan.