"O‘zbekinvest" kompaniyasi "O‘zbekinvestdan suyunchi-3" aksiyasi g‘oliblarini aniqladi

19 dekabr kuni "Zo‘r TV" telekanalida jonli efir orqali "O‘zbekinvestdan suyunchi" aksiyasining uchinchi mavsumi g‘oliblari e'lon qilindi. Aksiya ishtirokchilari shu yilning 14 aprelidan 1 dekabriga qadar "O‘zbekinvest" kompaniyasidan sug‘urta polislarini rasmiylashtirgan O‘zbekiston fuqarolari edi. Sovrinlar jamg‘armasi BYD Song Plus Champion rusumli avtomobil va boshqa qimmatbaho sovg‘alardan tashkil topgan bo‘lib, ular uchta HP rusumli noutbuk, uchta Mi rusumli robot-changyutgich, uchta AUX rusumli kondisioner, uchta Samsung rusumli televizor, shuningdek, uchta Samsung rusumli muzlatgichlaridan iborat edi.

Qimmatbaho sovg‘alar o‘yiniga bag‘ishlangan tantanali tadbirni "O‘zbekinvest" kompaniyasi bosh direktorining o‘rinbosari A. Asatullaev ochib berdi. U "O‘zbekinvestdan suyunchi" aksiyasi sovg‘alari o‘yiniga tashrif buyurgan barcha tomoshabinlarni qutlab, "O‘zbekinvest" kompaniyasiga o‘z mol-mulkini ishonchli himoya qilish vositasi sifatida bildirgan ishonchi uchun mijozlarga minnatdorchilik izhor etdi.

G‘oliblar mustaqil hay'at a'zolari nazorati ostida aniqlandi. Hay'at tarkibiga taekvondo bo‘yicha ikki karra Olimpiya chempioni, 2024 yil yakunlari bo‘yicha jahonning eng yaxshi taekvondochisi unvoniga sazovor bo‘lgan Ulug‘bek Rashitov, shuningdek, taniqli boshlovchilar va "Zo‘r TV" telekanali ma'muriyati vakillari kirdi.

Asosiy sovrin - BYD Song Plus Champion avtomobilining g‘olibi Surxondaryo viloyatidan bo‘lgan Anvar Boboyarov deb topildi. U "O‘zbekinvest" kompaniyasidan 168 000 so‘mga transport vositalari egalarining fuqarolik javobgarligini majburiy sug‘urtalash polisini xarid qilgan.

"O‘zbekinvestdan suyunchi-3" aksiyasining boshqa qimmatli sovrin sohiblari quyidagilar bo‘ldi:

Samsung rusumidagi uchta muzlatgich egalari:

1) Shokamolov Asror (Qashqadaryo viloyati)

2) Azimova Anna (Toshkent shahri)

3) Bozorov Ulug‘bek (Qashqadaryo viloyati)

- AUX rusumidagi uchta kondisioner egalari:

1) Jo‘raev G‘olib (Toshkent shahri)

2) Bozorova Firuza (Buxoro viloyati)

3) Kamolov Shuxrat (Toshkent shahri)

MI rusumli uchta changyutgich robot egalari:

1) Raimov Muxammadaziz (Farg‘ona viloyati)

2) Azimov Dilshod (Samarqand viloyati)

3) Begimov Tursunmurat (Samarqand viloyati)

Samsung rusumli uchta televizor egalari:

1) Yo‘ldoshev Sherqo‘zi (Jizzax viloyati)

2) Mamarasulov Ulug‘bek (Toshkent shahri)

3) Usmanova Dilorom (Samarqand viloyati)

HP markali uchta noutbuk egalari:

1) Isamutdinov Ilhom (Namangan viloyati)

2) Saparbaev Ruslan (Xorazm viloyati)

3) Mo‘ydinova Hilola (Namangan viloyati)

Sovrinlar "O‘zbekinvest" sug‘urta kompaniyasi tomonidan g‘oliblarga yetkazib beriladi va topshiriladi.

Qimmatbaho sovrinlar o‘yinidan reportajni havola orqali tomosha qilishingiz mumkin.