Ulugʻbek Rashitov 2024-yil yakunlari boʻyicha dunyoning eng yaxshi erkak taekvondochisi deb topildi!

Taekvondo WT boʻyicha ikki karra Olimpiya oʻyinlari chempioni Ulugʻbek Rashitov joriy yil jahon miqyosida yilning eng yaxshi erkak taekvondochisi deb topildi. Sovrin sportchimizga Gonkongda oʻtayotgan pumse boʻyicha jahon chempionati arafasida topshirildi.

Ushbu nominatsiya gʻolibi butun dunyo boʻyicha ovoz berish yoʻli bilan aniqlandi. Quvonarlisi, bu oʻzbek taekvondochilarining jahon miqyosida ilk bor mana shunday nufuzli sovrinni qoʻlga kiritishi boʻldi.

“O’zbekinvest” sug’urta kompaniyasi ushbu yuksak munosib sovrin bilan Ulugʻbek Rashitovni tabriklaydi va kelgusida yanada baland marralarni egallashni tilaydi!