Коррупцияга қарши кураш

Чоп этиш версияси

Коррупцияга қарши курашиш масаллар бўйича ишонч телефони: (78) 120 03 61

“Ўзбекинвест” коррупцияга қарши курашиш самарадорлигини ошириш мақсадида аноним сўровнома ўтказди

Давлат харидлари тўғрисидаги маълумот

Жамиятнинг доимий харид комиссияси таркиби бўйича буйруқ

Мурожаатлар статистикаси

Мансабдор шахсларнинг Хизмат сафарлари ҳақида маълумот

Хизмат автомобиллари ва кўчмас мулклар

АЖ "Ўзбекинвест" ЭИСКда коррупцияга қарши курашиш тўғрисида"ги буйруқ

RD-153 (Ўзбекинвест ЕИСК AЖнинг коррупцияга қарши қураш сиёсати)

"II Toshkent Aksilkorrupsiya forumi” tafsilotlaridan"

Брошюра-эслатма

RD-GK 40-02

RD-GK 40-03

RD-GK 40-04

RD-GK 40-05

RD-GK 40-06

RD-GK 40-07

RD-GK 40-08

RD-GK 40-09

15.03.2022

Агентликнинг 2021 йилдаги фаолияти натижаларига бағишланган матбуот анжумани бўлиб ўтди

Хабар берганимиздек, бугун Коррупцияга қарши курашиш агентлигининг 2021 йилдаги фаолияти тўғрисида Жамоатчилик кенгаши олдидаги ҳисоботига бағишланган матбуот ажумани бўлиб ўтди.

Тадбирда Коррупцияга қарши курашиш агентлиги директори А.Бурханов Агентликнинг 2021 йилдаги фаолияти натижалари хусусида атрофлича маълумот берди.

Хусусан, коррупцияга қарши курашишнинг ҳуқуқий асосларини мустаҳкамлаш, коррупцияга оид жиноятлар таҳлили, “Коррупциясиз соҳа”, “Коррупциясиз ҳудуд” лойиҳалари, “Обод қишлоқ” ва “Обод маҳалла” дастурлари, ижтимоий аҳамиятга молик маълумотларни расмий веб-сайт ва бошқа ахборот ресурсларида жойлаштириб борилиши, халқаро ҳамкорлик каби қатор муҳим йўналишларда Агентлик томонидан амалга оширилган ишларга тўхталиб ўтилди.

 

15.03.2022

Жамоатчилик кенгашининг 2022 йил учун устувор вазифалари белгилаб олинди

Жорий йилнинг 10 март куни Коррупцияга қарши курашиш агентлиги ҳузуридаги жамоатчилик кенгашининг навбатдаги йиғилиши бўлиб ўтди.

Унда Агентлик раҳбарияти, масъул тармоқлар бошлиқлари ва жамоатчилик кенгаши аъзолари иштирок этди.

Йиғилишда дастлаб Агентлик директори Акмал Бурханов Агентликнинг 2021 йилдаги фаолияти натижалари хусусида кенгаш аъзоларига ахборот берди.

Таъкидланганидек, Агентлик томонидан коррупцияга қарши курашишнинг ҳуқуқий асосларини мустаҳкамлаш, коррупцияни аниқлаш ва келтириб чиқараётган сабабларни бартараф этиш, “Коррупциясиз соҳа”, “Коррупциясиз ҳудуд” лойиҳаларини амалга ошириш, давлат идораларининг очиқлигини таъминлаш, халқаро ҳамкорликни мустаҳкамлаш каби йўналишларда фаолият олиб борилди.

Шундан сўнг жамоатчилик кенгашининг 2022 йилдаги фаолият йўналишлари акс этган иш режа лойиҳаси муҳокама этилди.

 

15.03.2022

Агентлик, Швейцариянинг Ўзбекистондаги ваколатхонаси ва БМТ Тараққиёт дастури вакиллари ўртасида учрашув ўтказилди

Жорий йилнинг 11 март куни Агентлик раҳбарияти, Швейцариянинг Ўзбекистондаги ваколатхонаси ва БМТ Тараққиёт дастури вакиллари ўртасида уч томонлама учрашув ташкил этилди.

Учрашув давомида Швейцариянинг Марказий Осиё учун 2022-2025 йилларга мўлжалланган ҳамкорлик дастури доирасида ўзаро алоқаларни ривожлантириш юзасидан таклифлар илгари сурилди.

Хусусан, иқтисодиётнинг муҳим тармоқларида коррупцияга қарши курашиш тизимини такомиллаштириш, давлат улуши бўлган корхоналарда комплаенс-назорат тизимини жорий этишни давом эттириш ҳамда бизнесда коррупцияга қарши курашиш самарадорлигини ошириш масалалари муҳокама қилинди.

 

18.03.2022

Янги рукн: "Коррупцияга қарши курашишга барча масъул"

Эндиликда расмий саҳифаларимиз орқали давлат органлари ва ташкилотларининг коррупцияга қарши курашишдаги фаолиятига оид хабар ва янгиликлар билан ҳам танишиб боришингиз мумкин.

Фармацевтика тармоғини ривожлантириш агентлиги директори тизим ходимлари ва соҳа мутахассисларига ҳамда аҳолига мурожаат қилди.

Мурожаатда қайд этилишича, Агентликда исталган шахсга ҳуқуқбузарлик ҳолати ҳақида тўғридан-тўғри раҳбариятга хабар бериш имконини яратиш мақсадида жисмоний ва юридик шахсларнинг мурожатларини қабул қилувчи махсус телеграм-бот “-@stop_corruptionbot” фаолияти йўлга қўйилган.

Давлат солиқ хизмати органларида жорий йил 15 мартдан 15 апрелгача “Давлат солиқ хизмати органларини коррупциядан ҳоли тизимга айлантириш” ойлиги ўтказилади.

Мазкур ойлик давомида марказий аппарат, Йирик солиқ тўловчилар бўйича ҳудудлараро давлат солиқ инспекцияси, ҳудудий давлат солиқ хизмати органлари, Кадастр агентлиги, қўмита тасарруфидаги корхона ва муассаса масъул ходимлари ўртасидан коррупцияга қарши курашишга қаратилган амалий-тарғибот тадбирларини ташкил этиш режалаштирилган.

Тошкент шаҳар ҳокимлиги Коррупцияга қарши ички назорат бўлими коррупцияга оид ижтимоий сўров ўтказмоқда.

Аноним шаклда ташкил этилаётган мазкур сўровда ушбу ҳавола орқали иштирок этиш мумкин.

 

25.03.2022

Президент Шавкат Мирзиёев биринчи Тошкент халқаро инвестиция форумида нутқ сўзлаб: “Коррупцияга қарши курашиш ининг энг устувор йўналишига айланди.

Бу борадаги саъй-ҳаракатларимизни амалга ошириш мақсадида алоҳида Агентлик ташкил этилди.

Бу соҳада бошлаган ишларимизни давом эттириб, иқтисодиётда шаффофликни таъминлаш ва коррупцияга қарши қатъий кураш олиб бориш янада кучайтирилмоқда.

Мамлакатимизда яшаётган ҳар бир инсоннинг ҳуқуқ ва эркинликларини кафолатлаш ва тўлиқ ҳимоя қилишни ҳам энг устувор вазифа сифатида белгиладик.

Икки йил аввал Ўзбекистонда Инсон ҳуқуқлари миллий стратегияси қабул қилинди ва тарихда биринчи марта мамлакатимиз Бирлашган Миллатлар Ташкилотининг Инсон ҳуқуқлари кенгашига аъзо бўлиб сайланди.

Ўзбекистонни қонун ва адолат мустаҳкам қарор топган демократик мамлакатга айлантириш, мустақил ва кучли суд-ҳуқуқ тизимини шакллантириш – энг олий мақсадларимиздан бири сифатида кун тартибига қўйилди” – деди.

 

29.03.2022

Коррупцияга қарши ички назорат тузилмалари раҳбарлари учун махсус семинар-тренинг бошланди

Бугун Коррупцияга қарши курашиш агентлиги томонидан БМТнинг Тараққиёт Дастури билан ҳамкорликда “Коррупцияга қарши курашиш ишларининг самарадорлигини рейтинг баҳолаш тизимини жорий этиш” мавзусида ташкил этилган икки кунлик махсус семинар-тренинг ўз ишини бошлади.

Унда 220 дан ортиқ вазирлик ва идоралар, маҳаллий ҳокимликларнинг коррупцияга қарши ички назорат тузилмалари раҳбарлари бевосита ва онлайн тарзда иштирок этмоқда.

Ушбу семинар-тренинг орқали коррупцияга қарши ички назорат тузилмалари фаолиятига амалий ёрдам бериш кўзда тутилган.

Шунингдек, коррупцияга қарши курашиш ишларининг самарадорлигини рейтинг баҳолаш тизимини амалиётга татбиқ этиш ҳам эътибор марказидаги асосий масала бўлади.

Семинар-тренинг тафсилотлари ҳақида расмий саҳифаларимиз орқали батафсил маълумот берамиз.

 

29.04.2022

Ўзбекистонда коррупцияни қабул қилиш миллий индексини ишлаб чиқишда халқаро рейтинг ташкилотлари билан ҳамкорлик қилинади

АҚШда бўлиб турган Ўзбекистон делегацияси жорий йилнинг 27 апрель куни World justice project (WJP) халқаро ташкилоти ижрочи директори Элизабет Андерсен билан учрашди.

Учрашувда Агентлик томонидан коррупцияга қарши курашиш соҳасида амалга оширилаётган ижтимоий тадқиқотларда ташкилотнинг манбалари, методологияларидан фойдаланиш имкониятлари юзасидан ўзаро фикр алмашилди.

Шунингдек, Ўзбекистоннинг рейтинг кўрсаткичларида ўсиш ва пасайишига оид маълумотлар, уларнинг сабабларини таҳлил этиш ҳамда тавсияларни ишлаб чиқишда ҳамкорлик қилиш масалалари муҳокама қилинди.

 

30.04.2022

Коррупцияга қарши курашиш агентлигининг АҚШ идоралари билан ҳамкорлик тадбирлари

Видео

 

1.05.2022

Давлат бошқарув органларида коррупцион схемаларни аниқлаш ва бартараф этиш бўйича қарор лойиҳаси жамоатчилик муҳокамасига қўйилди

 

Коррупцияга қарши курашиш агентлиги ва Адлия вазирлиги ҳамкорлигида ишлаб чиқилган "Давлат бошқаруви соҳасида коррупциявий хавф-хатарларни бартараф этиш механизмларини такомиллаштириш ва ушбу соҳада жамоатчилик иштирокини кенгайтириш чора-тадбирлари тўғрисида" Президент қарори лойиҳаси жамоатчилик муҳокамасига қўйилди.

Лойиҳада қуйидагилар назарда тутилмоқда:

2022 йил 1 сентябрдан бошлаб, "Е-Антикоррупция" лойиҳасини тўлиқ ишга тушириш ва бу орқали:

давлат ҳокимияти ва бошқаруви органлари, шу жумладан уларнинг ҳудудий бўлинмалари, давлат унитар корхоналари ва муассасалари, давлат улуши 50 фоиздан юқори ташкилотларнинг фаолиятида коррупциявий хавф-хатарларни мажбурий аниқлаш ва баҳолаш;

коррупциявий хавф-хатарларни аниқлаш ва баҳолаш натижалари бўйича ушбу хавф-хатарларни бартараф этиш чораларини тизимли равишда кўриш мақсадида "Коррупцияга мойил бўлган муносабатлар электрон реестри"ни (кейинги ўринларда – реестр) шакллантириш ва юритиш;

коррупциявий хавф-хатарларни қонунчилик ҳужжатларини такомиллаштириш, инсон омилини қисқартириш ва тегишли тартиб-таомиллар ва функцияларни рақамлаштириш, шаффофликни таъминлаш, жамоатчилик назоратини йўлга қўйиш орқали бартараф этиш кўзда тутилган.

Лойиҳа “E-Anticor.uz” электрон платформасида амалга оширилади.

Реестрни шакллантириш ва юритиш Коррупцияга қарши курашиш агентлиги томонидан амалга оширилади ва Интернет тармоғида очиқ эълон қилиб борилади.

Шунингдек:

Давлат ташкилотларида коррупциявий хавф-хатарларни аниқлаш ва баҳолаш ишлари Агентлик ва Адлия вазирлиги томонидан тасдиқланадиган Коррупциявий хавф-хатарларни баҳолаш услубиётига мувофиқ амалга оширилиши;

Давлат ташкилотлари томонидан ўзига юкланган функциялар ва уларни амалга ошириш механизмлари юзасидан коррупцияга мойил бўлган муносабатларнинг электрон реестрини очиқ эълон қилиб бориш;

Ижтимоий сўровлар ва мустақил экспертлар иштирокида муҳокамаларни ўтказиш, коррупциявий хавф-хатарларни “паст”, “ўрта” ва “юқори” ўлчовларида “E-Anticor.uz” электрон платформасида баҳолаб бориш;

Коррупциявий хавф-хатарлар хариталарини тузиш амалиёти йўлга қўйиш;

Кадрлар билан ишлаш соҳасида инсон омилини минималлаштириш мақсадида кадрлар билан ишлаш бўйича автоматлаштирилган тизимни давлат бошқаруви органларида жорий этиш;

Коррупцияга қарши курашиш, жумладан коррупциявий хавф-хатарларни баҳолаш соҳасида илмий ва амалий ишланмаларни тарқатиш, билим ва кўникмаларни оширишга қаратилган “Коррупцияга қарши курашиш виртуал платформаси” лойиҳасини ишга тушириш назарда тутилмоқда.

Давлат бошқаруви соҳасида коррупциявий хавф-хатарларни баҳолаш ишларини ташкил этиш бўйича чора-тадбирлар режаси;

Коррупцияга мойил бўлган муносабатларни бартараф этиш бўйича комплекс чора-тадбирлар дастури тасдиқланмоқда.

Баҳолаш ишларини назорат қилиш, шу жумладан ахборотларни эшитиш ва жавобгарлик чораларини кўриш вазифаси Коррупцияга қарши курашиш миллий кенгашига юклатилмоқда.

Лойиҳа муҳокамаси жорий йилнинг 2022 йил 15 май санасига қадар давом этади.

 

18.05.2022

photo_2022-05-18_09-42-34

Инвестицион фаолиятда коррупция ҳолатларининг олдини олиш ва унга қарши курашишга бағишланган биринчи минтақавий семинар бўлиб ўтади

Бугун Самарқанд шаҳрида Коррупцияга қарши курашиш агентлиги, Бош Прокуратура ва БМТнинг Гиёҳванд моддалар ва жиноятчилик бошқармасининг Марказий Осиё бўйича ваколатхонаси ҳамкорлигида “Инвестицион фаолиятда коррупция ҳолатларининг олдини олиш ва унга қарши курашиш” мавзусидаги биринчи минтақавий семинар ўз ишини бошлайди.

Мазкур тадбир “Ипак йўли Иқтисодий Камари бўйлаб жойлашган давлатларда БМТнинг Коррупцияга қарши конвенциясини амалга оширилишини қўллаб-қувватлаш орқали барқарор ривожланишга кўмаклашиш” лойиҳаси доирасида ташкил этилмоқда.

Семинар жараёнлари ҳақида расмий саҳифаларимиз орқали маълумот бериб борилади.

 

20.05.2022

Коррупциядан холи инвестиция сиёсатини олиб боришдаги устувор масалалар муҳокама қилинмоқда

photo_2022-05-20_11-09-02

Самарқанд шаҳрида бўлиб ўтаётган "Инвестицион фаолиятда коррупция ҳолатларининг олдини олиш ва унга қарши курашиш" мавзусидаги биринчи минтақавий семинар ўз ишини давом эттирмоқда.

Бугун инвестицион лойиҳаларни тайёрлаш ва амалиётга жорий этишда коррупцион ҳуқуқбузарликларни текшириш (тергов қилиш) масалалари иштирокчиларнинг эътибор марказида бўлиб турибди.

Мазкур йўналишда асосий мақсад ва муаммолар, мавжуд ижобий амалиёт юзасидан ўзаро фикр алмашилади.

Куннинг иккинчи қисмида “Турли юрисдикцияларнинг тажрибаси ва стандартларига асосланган потенциал ечимлар” мавзусидаги сессия бўлиб ўтади.

Расмий саҳифаларимиз орқали семинар жараёнлари ҳақида батафсил маълумот берилади.

Самарқанд вилоятида коррупцияга қарши курашиш борасидаги ишлар қониқарсиз баҳоланди

photo_2022-05-20_11-11-57

Самарқанд вилоятида коррупцияга қарши курашиш борасидаги ишлар қанчалик самарали амалга ошириляпти ва улардан аҳоли қай даражада хабардор?

Вилоят Коррупцияга қарши курашиш ҳудудий кенгашининг бугун бўлиб ўтган йиғилишида ушбу йўналишдаги ишлар қониқарли даражада эмаслиги ва бир қатор камчиликлар мавжудлиги таъкидланди. Таҳлиллар ва ўрганишлар натижаси ҳам шундан далолат бермоқда.

Статистик маълумотларга кўра, вилоятда 2020 йил давомида 176 нафар турли даражадаги мансабдор шахслар коррупцион жиноят содир этганлиги учун жиноий жавобгарликка тортилган бўлса, 2021 йилда бу рақам 316 нафарни ташкил этган.

Уларнинг 23 нафари вилоят, 293 нафари шаҳар ва туман даражасидаги давлат идораларининг мансабдор шахсларидир.

 

29.05.2022

“Давлат фуқаролик хизмати тўғрисида”ги Қонун Олий Мажлис Сенати томонидан маъқулланди

Айни пайтда бўлиб ўтаётган Олий Мажлис Сенатининг йигирма олтинчи ялпи мажлисида “Давлат фуқаролик хизмати тўғрисида”ги Ўзбекистон Республикаси Қонуни сенаторлар томонидан бир овоздан маъқулланди.

Қонуннинг принципиал жиҳатдан ижобий томони шундаки, унда давлат фуқаролик хизматига қабул қилишдан тортиб, ишдан бўшатишгача бўлган барча жараёнларда максимал даражада коррупциявий хавф-хатарларнинг олдини олиш, коррупцияга мойил муносабатларни бартараф этишга доир нормалар ўз аксини топган.

Хусусан, қонунда давлат органлари учун коррупциянинг олдини олиш бўйича махсус чора-тадбирлар, шунингдек, давлат фуқаролик хизматчисига қатор мажбуриятлар ва чекловлар белгиланмоқда.

Масалан, белгиланган одоб-ахлоқ қоидaларига риоя этиш, манфаатлар тўқнашувига йўл қўймаслиги, беғараз ва холис бўлиши, ўз хизмат мавқеидан шахсий мақсадларда фойдаланмаслиги, қонунда белгиланган муддатларда ва тартибда ўз даромадлари ҳамда мол-мулки тўғрисида декларация тақдим этиши, давлат мулкидан фақат хизмат мақсадларида фойдаланиши шартлиги каби мажбуриятлар ўрнатилмоқда.

Қонун билан давлат хизматчиларининг фаолияти энг муҳим самарадорлик кўрсаткичлари (КPI) асосида баҳоланиши қатъий белгиланмоқда. Коррупцияга оид жиноятларни содир этган шахслар давлат фуқаролик хизматига қабул қилинмайди.

Шунингдек, қонунда давлат фуқаролик хизмати соҳасида коррупцияга қарши курашишга бағишланган алоҳида боб киритилган бўлиб, унда корруциянинг олдини олишга доир чора-тадбирлар, жумладан:

давлат фуқаролик хизматчиси фаолиятининг самарадорлигини баҳолаш;

давлат фукаролик хизматчиларининг одоб-ахлоқ қоидалари;

совға олиш-бериш тартибига оид қоидалар;

манфаатлар тўқнашувига йўл қўмаслик;

коррупция хавфи юқори бўлган лавозимларни эгаллаб тypган давлат фуқаролик хизматчиларининг мажбурий ротацияси каби коррупциянинг олдини олишга қаратилган самарали превентив механизмлар жорий этилмоқда.

 

24.09.2022

"Порахўр қамалганининг нима фойдаси бор? Жиноятнинг олдини олиш, ўғирликларни камайтириш керак"- Шавкат Мирзиёйев

photo_2022-09-26_09-41-40

Тошкент вилояти фаоллари билан навбатдан ташқари сессияда учрашган президент Шавкат Мирзиёйев коррупсия муаммоси, хусусан, давлат маблағлари талон-торож қилинаётганига тўхталди.

“... Давлат маблағларини талон-торож қилиниши ҳолатлари бор. Сизлар порахўрни ушлаб қамайсизлар, лекин у қилар ишни қилиб бўлиб қамалганининг нима фойдаси бор? Қамалишининг олдини олиш, ўғирликларни камайтириш керак.

 

Шундай қилингларки, ҳар бир сўм мақсадлик сарфлансин. Банклардан ажратилишидан бошлаб ўз ўрнида ишлатилишига бўлган ҳар бир жараённи назорат қилинг”, – деди Президент.

photo_2022-09-26_09-41-47

Унда AҚСҲ, Корея, Гонконг, Малайзия, Латвия, Озарбайжон, давлатларининг коррупсияга қарши курашиш бўйича идора вакиллари, шунингдек, хорижий експертлар, дипломатик корпус ва халқаро ташкилотлар, 100 дан ортиқ вазирлик ва идоралар, фуқаролик жамияти институтлари, оммавий ахборот воситалари вакиллари иштирок етмоқда.

Форум ўз ишини ялпи мажлис билан бошлади, шундан сўнг жамиятда коррупсияга нисбатан муросасиз муносабатни шакллантириш, давлат органлари ва ташкилотлари фаолиятининг очиқлигини таъминлаш ҳамда коррупсиявий хавф-хатарларни баҳолаш, коррупсияга қарши курашишда таълим ва маърифатни кучайтириш механизмлари муҳокамаларига бағишланган учта сессияда ўзаро мулоқотлар давом еттирилади.

 

Aшита Миттал, БМТнинг Гиёҳванд моддалар ва жиноятчилик бўйича бошқармасининг Марказий Осиёдаги минтақавий ваколатхонаси раҳбари:

photo_2022-09-26_09-41-52

Коррупсияга қарши кураш БМТ Гиёҳванд моддалар ва жиноятчилик бўйича бошқармасининг Марказий Осиё мамлакатлари учун 2022-2025-йилларга мўлжалланган дастури доирасидаги кўмагининг ажралмас қисми ҳисобланади.

Яқинда Ўзбекистон Коррупсияга қарши курашувчи ҳуқуқни муҳофаза қилувчи органларнинг Глобал Операцион тармоғига (GLOBE Network) айланди.

Биз барчангиз билан биргаликда шу каби муҳим ишларни давом еттиришни истаймиз ва бугунги муҳокамалардан келиб чиқадиган инновацион ғоялар бизни коррупсияга барҳам беришдек мақсадимизга яқинлаштиради.

 

4.10.2022

Халқаро рейтингда Ўзбекистон кўрсаткичлари кўтарилди

photo_2022-10-04_18-35-00

23-сентябр куни Бошқарув сифати индикаторларининг (WГИ) 2021-йил якунлари бўйича натижалари еълон қилинди. Рейтингда 214 мамлакат баҳоланиб, Ўзбекистоннинг ушбу рейтингда баҳоланиши халқаро майдонда ижобий имидж шакллантиришда муҳим омил ҳисобланади. WГИ 30 та манбадан фойдаланади (масалан, Ўзбекистон учун “Тҳе Еcономист Интеллигенcе Унит”, “Фреедом Ҳоусе”, “Осиё тараққиёти банки”, AҚСҲ давлат департаменти, “Бертелсман фонди” ва бошқа кўплаб ташкилотлар ахборотларидан фойдаланилган). Янгиланган рейтингга кўра, Ўзбекистоннинг барча 6 та индикаторларидаги натижалари сезиларли даражада ўсди. “Коррупсияни тийиб туриш” индексида Ўзбекистоннинг фоизлардаги кўрсаткичи ўтган йилги 15,8 дан 23,07 га кўтарилди.

 

Коррупцияга қарши курашиш агентлигининг ҳафталик дайджести

Aгентлик билан келишилган ҳолда:

Санитария-епидемиологик осойишталик ва жамоат саломатлиги хизмати Коррупсияга қарши ички назорат бўлими бошлиғи;
- Ўзбекистон Республикаси Марказий банки “Давлат белгиси” давлат унитар корхонаси Ички аудит хизмати комплайенс-назорат бўйича бош мутахассиси;
- Тошкент шаҳар Екология ва атроф-муҳитни муҳофаза қилиш бошқармаси Коррупсияга қарши курашиш ва комплайенс назорати бўйича бош мутахассиси;
- Микрокредитбанк” AТБ Коррупсияга қарши ички назорат департаменти раҳбари;
- Кон-геология фаолиятини назорат қилиш инспексияси Коррупсияга қарши ички назорат тузилмаси раҳбари;
- Жиззах вилояти ҳокимлиги Коррупсияга қарши курашиш агентлиги ички назорат шўбаси раҳбари кабилар лавозимга тайинланди.

Семинар-тренинг ва ўқув машғулотлари

28-сентабр
“Ўзкомназорат” давлат инспексияси ходимлари учун "Коррупсиявий хавф-хатарларни аниқлаш ва баҳолаш услубиётини амалда қўллаш тартиби" мавзусида;

29-сентабр
Ўзбекистон Республикаси Вазирлар Маҳкамаси ҳузуридаги Хорижий тилларни ўрганишни оммалаштириш агентлигида “Коррупсияга қарши курашиш соҳасидаги давлат сиёсати” мавзусида;

Ўзбекистон Республикаси Қурилиш вазирлигида “Қурилиш вазирлиги ҳузуридаги “Шаҳарсозлик ҳужжатлари експертизаси” ДУК фаолиятида “Комплайенс-назорат” тузилмалари фаолиятини янада такомиллаштириш масалалари” мавзусида

Ўзбекистон Республикаси Давлат активларини бошқариш агентлигида “Ташкилотда комплайенс-назорат тизимини жорий етилиши: коррупсиявий хавф-хатарларни аниқлаш ва баҳолаш, давлат хизматида манфаатлар тўқнашувини олдини олишни тартибга солиш” мавзусида;

30 сентабр
Тошкент вилояти божхона бошқармаси аппарати ҳамда ҳудудларда жойлашган чегара, ТИФ божхона постлари ходимлари учун “Божхона органлари ходимларини коррупсияга қарши курашиш, манфаатлар тўқнашувининг олдини олиш, одоб-ахлоқ қоидалари” мавзусида семинар-тренинг ҳамда ўқув машғулотлари ташкил етилди.

Халқаро ҳамкорлик доирасида:

27-сентабр
“Ўзбекистонда бизнес барқарорлигини ривожлантириш: Барқарор ривожланиш ва екологик, ижтимоий ва корпоратив бошқарув қийматини бизнесга тақдим етиш” форумида Aгентлик раҳбарияти иштирок етди.

Шунингдек, мазкур ҳафтада:

Aгентлик директорининг навбатдаги шахсий қабули бўлиб ўтди.

Божхона қўмитаси тизимида коррупсиянинг олдини олиш борасида амалга оширилаётган ишлар юзасидан матбуот анжумани (ҳттпс://бит.лй/3фтвхух) ўтказилди.

“Давлат божхона хизмати органлари ходимларининг даромадлари ва мол-мулкини декларация қилиш тартиби тўғрисида”ги Низоми ҳамда ушбу низомни тасдиқлаш ҳақидаги қарори ишлаб чиқилиб тасдиқланди.

Коррупсияга қарши курашишда ННТлар ўртасида ўтказилган “Фуқаролик жамияти институтларини коррупсияга қарши курашиш ва олдини олишда инновацияларни ишлаб чиқиш ва жорий етиш жараёнига жалб қилиш” мавзусида танлов ғолиблари тақдирланди.

"Юксалиш" УМҲ ва бошқа ташкилотлар томонидан "Давлат органлари ва фуқаролик жамияти институтлари ҳамкорлигининг ҳуқуқий механизмлари" мавзусида давра суҳбатида Aгентлик вакили иштирок етди.

Aгентликка жисмоний ва юридик шахслардан 62 та мурожаат, ташкилот ва муассасалардан 131 та хат-ҳужжатлар келиб тушди.

 

29.10.2022

Халқаро рейтингда Ўзбекистон кўрсаткичлари яхшиланди

"World justice project" халқаро ташкилотининг Ҳуқуқ устуворлиги индекси 2022-йилги натижалари еълон қилинди.

Янгиланган рейтингга кўра, Ўзбекистон мазкур рейтингда 7 поғона кўтарилиб, 140 мамлакат орасида 78-ўринни егаллади (2021 йилда Ўзбекистон 85-ўринни егаллаганди).

Aҳамиятлиси, индекснинг “Коррупсиянинг мавжуд емаслиги” факторида ҳам мамлакитимиз кўрсаткичида ўсиш қайд етилиб, 0.47 балл билан 66-ўринга кўтарилган (2021 йилги рейтингда 0.46 балл билан 70-ўринни егаллаган еди).

Таъкидлаш лозимки, мамлакатимизнинг коррупсияга оид ушбу фактордаги кўрсаткичлари сўнгги 5 йил давомида мунтазам равишда кўтарилиб келмоқда
(2016-йилда 0.33 балл билан 113 мамлакат орасида 96-ўринни егаллаган).

 

Коррупсияга қарши курашиш агентлиги ходимлари расмий делегация таркибида Япония давлатида ишчи ташрифи билан бўлиб турибди.

photo_2022-11-01_12-01-24

Бирлашган Миллатлар Ташкилоти Тараққиёт Дастури билан ҳамкорликда жорий йилнинг 24-27-октабр кунлари Япония давлатига расмий ташриф амалга оширилмоқда.
Ташриф доирасида Япония адлия вазирлиги, Бош прокуратура, Парламентнинг вакиллик палатаси, Олий суд, Нагоя университети, Япония миллий кадрлар бошқармаси ва бошқа бир қатор муассасалар билан учрашувлар ташкил етилмоқда.
Ушбу учрашувларда асосий еътибор Япониянинг бошқарув тизимида ва бошқа турли соҳаларда коррупсияни олдини олишда илғор тажрибасини ўрганиш ҳамда мамлакатимиз миллий тизимига сингдириш каби масалаларга қаратилмоқда.

 

"Манфаатлар тўқнашуви тўғрисида”ги қонун лойиҳаси маъқулланди

Бугун Ўзбекистон Республикаси Олий Мажлиси Қонунчилик палатасининг навбатдаги мажлиси бўлиб ўтди. Мажлисда кун тартибида - “Манфаатлар тўқнашуви тўғрисида”ги қонун лойиҳаси ҳам иккинчи ўқишда қизғин муҳокама қилинди.
Қонун лойиҳаси билан “манафаатлар тўқнашуви” тушунчасига аниқ таъриф берилиб, ушбу вазият кимлар ўртасида ва қачон вужудга келиши мумкинлиги тўғрисида аниқ кўрсатиб ўтилмоқда.
Давлат ташкилоти ходимлари, уларнинг яқин қариндошлари ва уларга алоқадор шахсларнинг манфаатлар тўқнашувининг олдини олиш соҳасидаги ҳуқуқ ва мажбуриятлари белгиланмоқда.
Шунингдек, давлат ташкилотида аниқланган манфаатлар тўқнашуви вазиятларини ҳисобга олиш рейестри юритилиши, манфаатлар тўқнашувига оид талабларни бузганлик учун ҳуқуқий оқибатлар назарда тутилмоқда.
Қонун лойиҳасининг қабул қилиниши давлат ташкилотларида манфаатлар тўқнашувининг олдини олиш, аниқлаш ва тартибга солишнинг самарали механизмларини жорий етиш, унинг ҳуқуқий оқибатларини аниқ белгилашга хизмат қилади.
Муҳокамалардан сўнг қонун лойиҳаси депутатлар томонидан иккинчи ва учинчи ўқишда қабул қилинди ҳамда Сенатга юборилди.

 

22.11.2022

Франсия ва Ўзбекистон Коррупсияга қарши курашиш агентликлари ўртасида ҳамкорлик янада кенгайтирилади

Ўзбекистон Республикаси Президенти Шавкат Мирзиёйевнинг Франсияга ташрифи доирасида Франсия Республикаси Коррупсияга қарши курашиш агентлиги ва Ўзбекистон Республикаси Коррупсияга қарши курашиш агентлиги ўртасида ҳамкорлик тўғрисидаги англашув меморандуми имзоланиши режалаштирилмоқда.

Мазкур меморандум давлатларнинг миллий қонунчилигига мувофиқ коррупсия ҳолатлари тўғрисида тегишли маълумотларни алмашиш, коррупсиянинг олдини олиш ва унга қарши курашиш бўйича материаллар ҳамда илғор тажриба алмашиш, қўшма тадбирлар ўтказиш каби бир қатор муҳим йўналишларда ўзаро ҳамкорликни назарда тутади.

Меморандум тенглик, дўстлик ва ўзаро манфаатлар асосида ҳамда халқаро ва миллий қонунларга мувофиқ коррупсиянинг олдини олиш ва унга қарши курашиш бўйича саъй-ҳаракатларни кенгайтиришга хизмат қилади.

 

25.11.2022

Коррупсияга қарши курашиш агентлиги томонидан 2023-йилнинг 1-апрелига қадар давлат органлари ва ташкилотларида очиқлик бўйича амалга оширилаётган ишларнинг самарадорлиги ва натижадорлигини баҳолашга қаратилган Очиқлик индекси еълон қилинади.

Давлат органлари ва ташкилотлари фаолиятининг очиқлик даражаси 8 та индикатор асосида “0” баллдан “100” баллгача баҳоланиб, фаолият самарадорлиги “яшил”, “сариқ” ва “қизил” тоифаларга ажратилади.

2022-йилда Очиқлик индекси 1-июлдан бошлаб жорий йилнинг иккинчи ярми қамраб олинган давр учун баҳоланади.

 

"Тошкент шаҳри ичимлик сув таъминоти ва оқова сув тизимини трансформация қилиш" лойиҳасини амалга ошириш чора-тадбирлари тўғрисида”ги Президент қарори имзоланди.
Унга кўра:
умумий қиймати 218 миллион йевродан зиёд бўлган “Тошкент шаҳри ичимлик сув таъминоти ва оқова сув тизимини трансформация қилиш” лойиҳаси амалга оширилади.
Коррупсияга қарши курашиш агентлиги Лойиҳа доирасида жалб қилинган маблағларнинг ишлатилиши жараёнида очиқлик ва ошкораликни таъминлаш устидан доимий назорат ўрнатади.