Электромобилларни қувватлантириш станцияларини суғурта қилиш

Электромобиллар бозорининг ривожланиши ва қувватлантириш инфратузилмасининг кенгайиши натижасида турли хавф-хатарларга дучор бўладиган қувватлантириш станцияларини ишончли ҳимоя қилишга бўлган эҳтиёж ортиб бормоқда. Бундай хавфлар жисмоний шикастланишлар ва учинчи шахсларнинг ноқонуний хатти-ҳаракатларидан тортиб, ускунанинг иш фаолияти бузилишига олиб келиши мумкин бўлган ташқи таъсирларгача бўлган ҳолатларни ўз ичига олади.

Суғурта жойида жойлашган электромобилларни қувватлантириш станциясининг қуйидаги ҳодисалар оқибатида ҳар қандай бевосита тасодифий жисмоний шикастланиши, йўқолиши ёки нобуд бўлиши натижасида суғурта қилдирувчининг мулкий манфаатларига зарар етиши суғурта ҳодисаси ҳисобланади:

а) табиий офатлар, ёнғин, зилзила, бўрон, яшин уриши, сув тошқини, жала, кўчки, ўпирилиш, сел, дўл, портлаш;

б) предметларининг қулаши ёки урилиши, транспорт воситаларининг тўқнашуви;

в) учинчи шахсларнинг ноқонуний хатти-ҳаракатлари (ўғрилик, талончилик, безорилик, вандаллик ҳаракатлари).

Бунда табиий офатлар таъсири натижасида электромобилларни қувватлантириш станциясининг тўлиқ ёки қисман шикастланиши ёки нобуд бўлиши қуйидаги ходисалар натижасида юз берса суғурта ҳодисаси деб тан олинади:

а) тезлиги 15 м/с ва ундан юқори бўлган шамол;

б) 12 соат ёки ундан кам вақт ичида ёғингарчилик миқдори 15 мм ва ундан кўп бўлган ёмғир;

в) 12 соат ва ундан кам вақт ичида ёғингарчилик миқдори 20 мм ва ундан кўп бўлган қор ёғиши.