"O'zbekinvest" O'zbekistonda avtosug'urta bo'yicha birinchi o'rinni egallaydi

TVEFJMS to'lovlarini kafolatlash jamg'armasi ma'lumotlariga ko'ra, 2020-yil 11 oy yakunlari bo'yicha "O'zbekinvest" sug'urta kompaniyasi respublika majburiy avtosug’urta bozorida sug’urta mukofotlari va tuzilgan shartnomalar soni bo’yicha birinchi o’rini egalladi

Avtotransport vositalari egalarining javobgarligini sug'urtalash bo'yicha faoliyatni kengaytirish "O'zbekinvest" tomonidan milliy bozorning 18 foizini sug’urta himoyasi bilan qoplashni ta'minladi. Bu ushbu segmentdagi barcha sug'urta kompaniyalari orasida to'rtinchi o’rindan birinchi o’ringa ko'tarilishga imkon berdi.

TVEFJMS bo'yicha to'lovlarni kafolatlash jamg'armasi hisobotiga ko'ra, sug'urta mukofotlarini yig'ish bo'yicha avtosug'urta bozorining umumiy o'sishi 110,9 foizni tashkil etgan holda, «O'zbekinvest» ning ushbu ko'rsatkichining o'sishi 2019-yilning shu davriga nisbatan 182,2 foizni tashkil etdi. Shu bilan birga, olingan sug'urta mukofotlari miqdori 28 milliard so'mdan oshdi.

Kompaniya 521,3 ming avtomobil egalariga sug'urta qoplamasini taqdim etdi, bu 2019 yilga nisbatan 1,7 baravar ko'pdir.

2020-yilning 11 oyi davomida "O'zbekinvest" sug'urta kompaniyasi 1056 ta yo'l-transport hodisasini ko'rib chiqdi va 6,4 milliard so'mdan ziyod zararni qoplab berdi. Bu 2019 yilga nisbatan 3,6 baravar ko'pdir.

TVEFJMS ichki bozorida yetakchi kompaniya mavqeiga ega bo'lish uchun "O'zbekinvest" bir qator yirik va innovatsion tadbirlarni amalga oshirdi. Xususan, qishloq joylarda sotuv tarmoqlarini rivojlantirishga alohida e'tibor qaratildi. Sug'urta shahobchalari respublikaning yirik shaharlari va chekka hududlarida ochildi. Bu mijozlar uchun sug'urta polisini sotib olishning maqbulligini oshirdi. Hozirda O'zbekiston bo'ylab 211 sug'urta filiali va 697 sug’urta markazlari faoliyat yuritib kelmoqda.

Avtomobil majburiy sug'urta polisini rasmiylashtirishda qo'shimcha qulayliklar yaratish uchun 2020-yil avgust oyida "O'zbekinvest" mobil ilovasini taqdim etdi. Unda siz mamlakatning istalgan nuqtasida bepul yetkazib berish orqali barcha turdagi sug'urta xizmatlarini rasmiylashtirishingiz va uzaytirishingiz mumkin.

Kompyuter orqali xarid qilishni qulayroq ko’radiganlar uchun "O'zbekinvest" sug'urta xizmatlarining onlayn-do'koni optimallashtirildi. 2020-yilda 12,37 ming mijoz internet-do'kon va kompaniyaning mobil ilovasi orqali sug’urta polislarini rasmiylashtirishdi.

TVEFJMS bozorini zabt etishning yana bir muhim sababi bu “O'zbekinvest Assistance” xizmatining tubdan o'zgarishi va takomillashtirilishi bo’ldi. “O’zbekinvest” avariyaviy komissarlari YTH sodir bo’lganida majburiy va ixtiyoriy sug'urta turlarini rasmiylashtirgan avtomobil egalariga joylarga chiqib yordam ko’rsatib kelishmoqda.

2020-yil boshidan buyon "O'zbekinvest Assistance" xizmati favqulodda komissarlari sug'urta hodisalarini rasmiylashtirish, sug'urta da'volarini to'lab berish va jabrlanganlarga psixologik va texnik yordam ko’rsatish maqsadida 800 dan ortiq YTH sodir bo’lgan joylarga chiqishdi.

"O'zbekinvest" majburiy avtosug'urta bozorida yetakchi o’rinni saqlab qolish va mijozlarning sodiqligini oshirish maqsadida zarur choralarni amalga oshirishda davom etib kelmoqda.

2021-yilda kompaniya maxsus bonus tizimini joriy etishni va virtual sug'urta xizmatlarini rivojlantirishni davom ettirishni rejalashtirmoqda. "O'zbekinvest" ning yana bir muhim yo'nalishi "KASKO 2.0" innovatsion ixtiyoriy avtosug'urtani Toshkent va respublikaning boshqa hududlarida ommalashtirish va targ'ib qilishni rejalashtirmoqda.