«Ўзбекинвест» миллий компаниясини АЖга қайта ташкил этиш таклиф қилинмоқда

Чоп этиш версияси
24.07.2018

Қонун ҳужжатлари таъсирини баҳолаш тизими порталида Президентнинг «Ўзбекинвест» экспорт-импорт суғурта миллий компаниясини қайта ташкил этиш чора-тадбирлари тўғрисида»ги қарори лойиҳаси муҳокама қилинмоқда.

Ҳужжатга мувофиқ манфаатдор вазирликлар ва идоралар томонидан «Ўзбекинвест» ЭИМСКни «Ўзбекинвест» суғурта компанияси» акциядорлик жамиятига (кейинги ўринларда - Жамият) қайта ташкил қилиш таклиф этилмоқда.

Шунингдек, икки ойлик муддатда қуйидагиларни таъминлаш тавсия этилмоқда:

  • таъсис ҳужжатлари пакетини тайёрлаш ва тасдиқлаш;
  • Жамият ташкилий тузилмасини ва ижро этувчи органи тузилмасини тасдиқлаш;
  • Жамият таъсис ҳужжатлари пакетини рўйхатдан ўтказиш;
  • халқаро принциплар ва корпоратив бошқарув усулларини татбиқ этиш, фуқаролар ва тадбиркорлик субъектларининг суғурта хизматларига эҳтиёжларини тўлиқ қондириш мақсадида иш услубини тубдан ўзгартириш, маҳаллий ва минтақавий суғурта бозорларида етакчи ўринларни эгаллашни назарда тутган ҳолда, 2018–2022 йилларда Жамият фаолиятини қайта таркиблаш ва янгилаш бўйича Йўл харитасини ишлаб чиқиш, тасдиқлаш ва амалга ошириш.

Тошкент ш., Чилонзор тумани, Ц мавзеси, Чўпон ота кўчаси манзили бўйича жойлашган бино ва иншоотлар хўжалик бошқаруви ҳуқуқида бепул фойдаланиш асосида Жамиятга берилади.

Манба: Kun.uz

Profiler